2 Samuel 21:22 - Yn Vible Casherick 1775 1819

²² Va’n chiare shoh ruggit da’n foawr ayns Gath, as huitt ad liorish laue Ghavid, as liorish laue e harvaantyn.

2 Samuel 21:22 ပူးပေါင်းရင်းမြစ်များ

2 Samuel 21:16

As Ishbi-benob, fer jeh mec y foawr, (va trimmid e shleiy three cheead shekel dy phrash) as lesh cliwe noa er e chryss, smooinee eh dy varroo David.

2 Samuel 21:21

As tra v’eh shoh er choyrt y-lane fo Israel, varr Jonathan, mac Shimea, braar Ghavid eh.

1 Recortyssyn 20:8

V’ad shoh ruggit da’n foawr ayns Gath: as huitt ad liorish laue Ghavid, as liorish laue e gheiney.

Psalmyn 108:13

Trooid Jee nee mayd obbraghyn mooarey: as eshyn eh ver fo-chosh nyn noidyn.

Psalmyn 118:15

Ta coraa boggey as slaynt ayns cummallyn y vooinjer chairagh: ta laue yesh y Chiarn coyrt lesh reddyn yindyssagh gys kione.

Psalmyn 60:12

Trooid Jee nee mayd obbraghyn mooarey: son she eshyn stampys sheese nyn noidyn.

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

Joshua 14:12

Nish er-y-fa shen, cur dou yn cheer sleitagh shoh, my-e-chione loayr y Chiarn ’sy laa cheddin; (son cheayll oo ayns y laa shen dy row cloan Anak ayns shen, as dy row ny ard-valjyn mooar as fencit:) my she shen dy bee’n Chiarn lhiam, bee’m eisht abyl dy eiyrt magh ad, myr yiall y Chiarn.