2 Samuel 21:20 - Yn Vible Casherick 1775 1819

²⁰ As va foast caggey elley ec Gath, raad va dooinney feer thollee, va echey er dagh laue shey meïr, as er dagh chass shey ordaagyn, kiare as feed ayns ooilley; as v’eshyn myrgeddin ruggit da’n foawr.

2 Samuel 21:20 ပူးပေါင်းရင်းမြစ်များ

2 Samuel 21:16

As Ishbi-benob, fer jeh mec y foawr, (va trimmid e shleiy three cheead shekel dy phrash) as lesh cliwe noa er e chryss, smooinee eh dy varroo David.

2 Samuel 21:18

As haink eh gy-kione lurg shoh, dy row caggey reesht rish ny Philistinee ec Gob: raad ren Sibbechai yn Hushathite marroo Saph va jeh mec y foawr.

2 Samuel 21:21

As tra v’eh shoh er choyrt y-lane fo Israel, varr Jonathan, mac Shimea, braar Ghavid eh.

1 Recortyssyn 20:6

As va caggey reesht ec Gath, raad va dooinney dy yrjid vooar, va ny meïr as ny ordaagyn echey kiare as feed, shey er dagh laue, as shey er dagh cass; as v’eshyn mac da’n foawr.