2 Samuel 21:14 - Yn Vible Casherick 1775 1819

¹⁴ As craueyn Saul as Yonathan e vac, doanluck ad ayns cheer Venjamin ayns Zelah, ayns lhiaght Kish e ayr; as chooilleen ad ooilley ny ren y ree y harey: as ny lurg shen va Jee foayroil da’n cheer.

2 Samuel 21:14 ပူးပေါင်းရင်းမြစ်များ

2 Samuel 21:13

As hug ad lhieu seose veih shen craueyn Saul, as craueyn Yonathan e vac; as hrog ad ny craueyn ocsyn va croghit.

2 Samuel 24:25

As hrog David ayns shen altar gys y Chiarn, as heb eh ourallyn-losht, as ourallyn-shee. Er shoh va’n Chiarn chymmoil da’n cheer, as va’n plague er ny chastey veih Israel.

2 Samuel 3:32

As doanluck ad Abner ayns Hebron: as hrog y ree seose e choraa, as cheayn eh ec oaie Abner; as ren ooilley’n pobble keayney.

2 Samuel 4:12

As doardee David e gheiney aegey dy varroo ad; as yiare ad jeu ny laueyn as ny cassyn oc, as hrogh ad seose ad erskyn y loghan ayns Hebron. Agh ghow ad kione Ish-bosheth, as doanluck ad eh ayns oaie Abner ayns Hebron.

Jonah 1:15

Myr shen hrog ad seose Jonah, as hilg ad eh magh ’sy cheayn, as ghow yn aarkey kiunid veih freaney.

Zechariah 6:8

Eisht deïe eh orrym, as loayr eh rhym, gra, Cur-my-ner, t’ad shoh ta goll gys y cheer-twoaie er chiunaghey my spyrryd noi yn cheer-twoaie.

Earrooyn 25:13

As bee eh echey, as ec e luight ny lurg, eer yn conaant dy haggyrtys kinjagh; er-yn-oyr dy row eh jeean son ooashley e Yee; as dy ren eh lhiasaghey son cloan Israel.

Earrooyn 25:8

As hie eh geiyrt er y dooinney dy Israel stiagh ’sy chabbane, as roie eh ad ny-neesht trooid, yn dooinney jeh Israel, as y ven trooid e bolg: Myr shen va’n chramp er ny lhiettal veih cloan Israel.

Joshua 18:28

As Zelah, as Eleph, as Jebusi, (ta shen Jerusalem,) Gibeath, as Kirjath; kiare ard-valjyn jeig, marish nyn maljyn-beggey. Shoh eiraght cloan Venjamin, cordail rish nyn gynneeyn.

Joshua 7:26

As hrog ad harrish cayrn mooar cloaie gys y laa jiu. Er shoh hyndaa yn Chiarn veih eulys e yymmoose. Shen-y-fa, jir ad Coan Achor rish yn ynnyd shen gys y laa jiu.

1 Samuel 10:2

Erreish dhyt’s ve er m’aagail jiu, eisht yiow daa ghooinney liorish lhiaght Rachel, ayns ardjyn Venjamin, ec Zelzah; as jir ad rhyt, Ta ny assylyn v’ou uss briaght nyn yeï er ny gheddyn: as cur-my-ner, cha nee son ny assylyn ta imnea dt’ayrey nish, agh t’eh ayns trimshey er nyn son hene, gra, Cre’n erree t’er jeet er my vac?