2 Samuel 21:12 - Yn Vible Casherick 1775 1819

¹² As doardee David, as ghow ad craueyn Saul as craueyn Yonathan e vac, veih deiney Yabesh-gilead, v’er gheid ad veih straid Beth-shan, raad chrogh ny Philistinee [ad, tra va ny Philistinee er varroo] Saul ayns Gilboa.

2 Samuel 21:12 ပူးပေါင်းရင်းမြစ်များ

2 Samuel 1:21

Shiuish sleityn Yilboa, ny lhig da druight ny fliaghey cheet erriu, ny magheryn ourallagh: son shen y raad va scape y dooinney niartal, eer scape Saul, dy naareydagh er ny hilgey ersooyl, myr nagh beagh eh er ny ve yn ree ooilit.

2 Samuel 1:6

As dreggyr yn dooinney aeg dinsh da, Myr haghyr dou cheet er slieau Gilboa, cur-my-ner, va Saul croymmey er e shleiy; as cur-my-ner, va ny fainee as ny markee chionney dy creoi er e eiyrt’s.

2 Samuel 2:4

As haink deiney Yudah, as ayns shen ren ad David y ooilaghey ny ree harrish thie Yudah. As dinsh ad da David, gra, Dy nee deiney Yabesh-gilead ren Saul y oanluckey.

2 Samuel 21:11

As ve er n’insh da David cre va Rizpah inneen Aiah, co-lhiabbagh Saul, er n’yannoo.

2 Samuel 21:13

As hug ad lhieu seose veih shen craueyn Saul, as craueyn Yonathan e vac; as hrog ad ny craueyn ocsyn va croghit.

1 Recortyssyn 10:1

Nish ren ny Philistinee caggey noi Israel, as roie deiney Israel er-chea roish ny Philistinee, as huitt ad sheese lesh cragh trome ayns cronk Gilboa.

1 Recortyssyn 10:12

Dirree ooilley ny deiney niartal, as ghow ad ersooyl corp Saul, as kirp ny mec echey, as hug ad lhieu ad gys Jabesh; as doanluck ad ny craueyn oc fo’n villey-darragh t’ayns Jabesh, as ren ad trostey shiaght laa.

1 Recortyssyn 10:8

As haink eh gy-kione, laa-ny-vairagh, tra haink ny Philistinee dy roostey ny merriu, dy dooar ad Saul, as e vec er duittym ayns cronk Gilboa.

Joshua 17:11

As va ec Manasseh ayns Issachar, as ayns Asher, Beth-shean as e baljyn, as Ibleam as e baljyn, as cummaltee Dor as e baljyn, as cummaltee Endor as e baljyn, as cummaltee Taanach as e baljyn, as cummaltee Vegiddo as e baljyn, eer three cheeraghyn.

1 Samuel 28:4

As haggil ny Philistinee ad-hene cooidjagh, as hoie ad nyn gamp ayns Shunem: as haggil Saul ooilley Israel cooidjagh, as ren ad campal ayns Gilboa.

1 Samuel 31:1

Nish ren ny Philistinee caggey noi Israel: as roie deiney Israel er-chea roish ny Philistinee, as huitt ad lesh cragh trome ayns cronk Gilboa.

1 Samuel 31:3

As hie’n caggey dy dewil noi Saul, as haink ny sideyryn stiagh er; as v’eh lhottit dy baase lioroo.

1 Samuel 31:4

Eisht dooyrt Saul rish e armyder, Tayrn dty chliwe, as roie mee trooid lesh; er-aggle dy jig ny chymmyltee shoh dy roie mee trooid, as boggyssagh harrym. Agh cha jinnagh e armyder laue er, son va rouyr aggle er: shen-y-fa ghow Saul cliwe, as huitt eh er.