2 Samuel 21:10 - Yn Vible Casherick 1775 1819

¹⁰ As ghow Rizpah inneen Aiah aanrit-sack, as skeayl ee eh er y chreg, veih toshiaght yn ouyr derrey huitt fliaghey neose orroo veih’n aer, as cha lhig ee da eeanlee’n aer dy heet orroo ’sy laa, ny beishtyn y vagher ’syn oie.

2 Samuel 21:10 ပူးပေါင်းရင်းမြစ်များ

Genesis 40:19

Foast cheu-sthie jeh three laa, nee Pharaoh troggal seose dty chione jeed, as oo y chroghey er billey, as nee ny eeanlee gee dty eill jeed.

2 Samuel 21:11

As ve er n’insh da David cre va Rizpah inneen Aiah, co-lhiabbagh Saul, er n’yannoo.

2 Samuel 3:7

As va co-lhiabbagh ec Saul, va’n ennym eck Rizpah inneen da Aiah: as dooyrt Ish-bosheth rish Abner, Cre’n-fa t’ou er n’ghoaill co-lhiabbagh m’ayrey.

1 Reeaghyn 21:27

As haink eh gy-kione, tra cheayll Ahab ny goan shoh, dy raip eh e choamraghyn, as chur eh aanrit-sack er e chorp, as hrosht eh, as lhie eh ayns aanrit-sack, as huill eh dy trimshagh.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Ezekiel 39:4

Nee oo tuittym er sleityn Israel, oo hene as ooilley dty heshaghtyn-caggee, as yn pobble ta mayrt: ver-ym oo son beaghey da dy chooilley cheint dy eeanlee jollyssagh, as son bee da maase y vagheragh.

Hosea 6:3

Eisht bee tushtey ain, my hem mayd er nyn doshiaght ayns ainjys y Chiarn: ta’n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Joel 1:18

Kys ta ny beïyn garveigagh! ta ny shellooyn ollagh seaghnit, son nagh vel aber oc: dy jarroo ta ny shioltaneyn keyrragh shymley ersooyl.

Joel 2:23

Bee-jee gennal eisht, shiuish chloan Zion, as gow-jee boggey ayns y Chiarn y Jee eu: son t’eh er chur diu fliaghey cooie yn imbagh, ayns frassyn meeney, as ver eh er y fliaghey dy heet neose er nyn son eu, fliaghey toshiaght as jerrey ny bleeaney.

Zechariah 10:1

Guee-jee gys y Chiarn son fliaghey ayns traa fliaghey s’jerree ny bleeaney, myr shen nee yn Chiarn bodjallyn sollys, as ver eh daue frassyn fliaghee, da dagh unnane faiyr ayns e vagher.

Deuteronomy 11:14

Dy der-yms da’n thalloo eu fliaghey cooie ny imbaghyn, toshiaght as jerrey ny bleeaney, dy vod oo chaglym stiagh dty arroo, feeyn, as ooil.

Deuteronomy 21:13

As ver ee coamrey e cappeeys j’ee as nee ee tannaghtyn ayns dty hie, as dobberan son e ayr as e moir slane mee, as maghey shen, nee oo goaill ee, as bee oo son dooinney jeeish, as bee ish son ben dhyt’s.

Deuteronomy 21:22

As my ta dooinney er n’yannoo peccah ta toilchin baase, as faagit magh son baase, as eh ’ve croghit er billey:

Deuteronomy 21:23

Cha n’aag oo e chorp fud-ny-hoie er y villey, agh nee oo, son shickyrys, eh y oanluckey yn laa cheddin (son t’eshyn t’er ny chroghey fo mollaght veih Jee) nagh bee dty heer fo loght, ta’n Chiarn dty Yee coyrt dhyt son eiraght.

1 Samuel 17:44

As dooyrt y Philistine rish David, Tar hym’s, as ver-yms dt’eill da eeanlee’n aer, as da maase y vagher.

1 Samuel 17:46

Yn laa jiu nee’n Chiarn uss y livrey gys my laue; as neem’s oo y woalley, as goym dty chione jeed; as ver-ym kirp armee ny Philistinee yn laa jiu da eeanlee’n aer, as da beishtyn feïe y vagheragh; dy vod fys v’ec ooilley’n seihll dy vel Jee ayns Israel.