2 Samuel 21:1 - Yn Vible Casherick 1775 1819

¹ Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

2 Samuel 21:1 ပူးပေါင်းရင်းမြစ်များ

Genesis 12:10

As va genney ayns y cheer; as hie Abram sheese gys Egypt, dy chummal ayns shen: son va’n genney dewil ayns y cheer.

Genesis 26:1

As va genney ’sy cheer, lurg y chied ghenney v’ayns laghyn Abraham: as hie Isaac gys Abimelech ree ny Philistinee, gys Gerar.

Genesis 41:57

As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

Genesis 42:5

As haink mec Israel dy chionnaghey arroo, marish feallagh elley: son va’n ghortey ayns cheer Chanaan.

Genesis 43:1

As va’n ghortey trome ayns y cheer.

2 Samuel 16:8

Ta’n Chiarn e chooilleeney ort ooilley fuill thie Saul, ’syn ynnyd echey t’ou uss er reill, as ta’n Chiarn er livrey’n reeriaght gys laue Absalom dty vac: jeeagh nish, ta dty olkys hene er verraghtyn ort, son dy nee dooinney folley oo.

2 Samuel 20:26

As va Ira, yn Jairite, myrgeddin ny ard-reiltagh mygeayrt David.

2 Samuel 21:5

As dreggyr ad y ree, Yn dooinney va son stroie shin, as kiarail olk nyn ’oï, dy yiarey shin jeh veih cummal ayns veg jeh ardjyn Israel,

2 Samuel 24:1

As reesht va corree’n Chiarn er ny vrasnaghey noi Israel, as son va [Satan] er chleayney David nyn ’oï, gra, Immee, as gow earroo Israel as Yudah.

2 Samuel 5:19

As hir David coyrle jeh’n Chiarn, gra, Jem seose noi ny Philistinee? jean oo ad y livrey gys my laue? As dooyrt y Chiarn rish David, Gow seose; son neem’s son shickyrys ny Philistinee y livrey gys dty laue.

2 Samuel 5:23

As tra va David er hirrey coyrle jeh’n Chiarn, dooyrt eh, Cha jed oo seose; agh gow combaase nyn yeï, as tar stiagh er y chooyl oc, liorish ny biljyn-mulberry.

1 Reeaghyn 17:1

As dooyrt Elijah yn Tishbite, va jeh cummaltee Ghilead, rish Ahab, Myr ta’n Chiarn Jee Israel bio, eh ta mee dy hirveish, cha bee druight ny fliaghey ayn rish ny bleeantyn shoh, agh cordail rish my ghoo’s.

1 Reeaghyn 18:2

As hie Elijah dy yeeaghyn eh-hene da Ahab. As va genney trome ayns Samaria.

2 Reeaghyn 6:25

As va gortey vooar ayns Samaria: as cur-my-ner, chruinnee ad eh cha chion shen, dy row kione assyl er ny chreck son kiare-feed peesh dy argid, as mysh punt dy arroo greddanit son queig peeshyn dy argid.

2 Reeaghyn 8:1

Eisht loayr Elisha rish y ven (yn mac eck v’eh er aa-vioghey), gra Trog ort, as gow uss as lught dty hie, as cum-jee’n raad share oddys shiu beaghey: son ta’n Chiarn er harey gortey; as hig eh myrgeddin er y cheer son shiaght bleeaney.

Lioar Yob 10:2

Jir-ym rish Jee, Ny jean m’y gheyrey; insh dou cre’n-fa t’ou streeu rhym.

Psalmyn 27:8

Eaisht rish my choraa, O Hiarn, tra ta mee geamagh hood’s: jean myghin orrym, as clasht rhym.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Leviticus 26:26

As tra ta mish er vrishey lorg nyn arran, nee jeih mraane gaarlaghey nyn arran ’syn un oghe, as ver ad diu nyn arran reesht liorish towse: as nee shiu gee, as cha bee shiu jeant magh.

Earrooyn 27:21

As nee eh shassoo fenish Eleazar y saggyrt, nee shirrey coyrle er e hon, liorish briwnys yn Urim, kiongoyrt rish y Chiarn: ec y fockle echeysyn hed ad magh, as ec y fockle echey hig ad stiagh, chammah eh hene, as ooilley cloan Israel mârish, eer yn slane sheshaght.

Joshua 7:1

Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Joshua 9:20

Agh shoh nee mayd roo; lhig mayd dy jarroo nyn mioys lhieu, er-aggle dy jig kerraghey orrin, er coontey’n breearrey ta shin er n’yannoo daue.

Ruth 1:1

Nish haink eh gy-kione rish lhing ny briwnyn, dy row gortey ’sy cheer: as hie dooinney dy row jeh Beth-lehem-judah dy chummal ayns cheer Voab, eh-hene, e ven, as e ghaa vac.

1 Samuel 10:22

Shen-y-fa vrie ad jeh’n Chiarn ny sodjey, darragh y dooinney kionfenish. As dreggyr y Chiarn, Cur-my-ner, t’eh er cheiltyn eh-hene mastey’n stoo.

1 Samuel 23:11

Jean deiney Keilah mish y livrey gys e laue? jig Saul sheese myr ta dty harvaant er chlashtyn? O Hiarn Yee Israel, ta mee guee ort, insh da dty harvaant. As dooyrt y Chiarn, Hig eh sheese.

1 Samuel 23:2

Er-y-fa shen ren David briaght jeh’n Chiarn, gra, Jig eh lhiam goll, as bwoalley ny Philistinee shoh? As dooyrt y Chiarn rish David, Gow royd, as bwoaill ny Philistinee, as livrey Keilah.

1 Samuel 23:4

Eisht hir David reesht coyrle jeh’n Chiarn. As dreggyr y Chiarn eh, as dooyrt eh, Trog ort, gow sheese gys Keilah; son nee’m ny Philistinee y livrey gys dty laue.