2 Samuel 20:6 - Yn Vible Casherick 1775 1819

⁶ As dooyrt David rish Abishai, Nish nee Sheba mac Bichri ny smoo dy aggair dooin na ren Absalom: gow uss sharvaantyn dty hiarn, as immee er e eiyrt’s, er-aggle dy vow eh stiagh ayns ard-valjyn voallit, as dy gossyn eh voïn.

2 Samuel 20:6 ပူးပေါင်းရင်းမြစ်များ

2 Samuel 10:14

As tra honnick cloan Ammon dy row ny Syrianee er choyrt cooyl, eisht ren adsyn myrgeddin chea roish Abishai, as chossyn ad stiagh ’syn ard-valley. Er shoh hyndaa Joab veih cloan Ammon, as haink eh gys Jerusalem.

2 Samuel 11:11

As dooyrt Uriah rish David, Ta’n arg, as Israel, as Judah fo cabbaneyn, as ta my hiarn Joab, as sharvaantyn my hiarn, nyn lhie ayns camp fud y vagheragh: jem’s eisht gys my hie dy ee as dy iu, as dy yannoo sheshaght rish my ven? myr t’ou uss bio, as myr ta dt’annym bio, cha jean-ym lheid y red.

2 Samuel 18:12

As dooyrt y dooinney rish Joab, Ga dy jinnagh oo dou thousane shekel argid ayns my laue, ny-yeih cha jinnin’s my laue y heeyney magh noi mac y ree: son ayns y chlashtyn aym pene, hug y ree uss, as Abishai, as Ittai, fo harey, gra, Jeeagh-jee nagh der unnane eu laue er y dooinney aeg Absalom.

2 Samuel 18:2

As hug David magh yn trass ayrn jeh’n pobble fo laue Yoab, as trass ayrn fo laue Abishai mac Zeruiah, braar Yoab, as trass ayrn fo laue Ittai yn Gittite. As dooyrt y ree rish y pobble, Hem’s son shickyrys magh mêriu mee-hene.

2 Samuel 19:7

Shen-y-fa nish, irree, gow magh, as loayr dy gerjoilagh rish dty harvaantyn: son ta mee breearrey liorish y Chiarn, mannagh jed oo magh, cha bee fer nee fuirriaght mayrt’s noght: as bee shen ny smessey dhyt na dy chooilley olk t’er duittym ort veih dty aegid derrey nish.

2 Samuel 2:18

As va three jeh mec Zeruiah ayns shen, Joab, as Abishai, as Asahel: as va Asahel coshee cha skibbylt as feeaïh ’sy vagher.

2 Samuel 21:17

Agh haink Abishai mac Zeruiah gys e chooney, as woaill eh yn Philistine, as varr eh eh. Eisht loo deiney Ghavid da, gra, Cha jed oo magh arragh mârin gys y chaggey, er-aggle dy bee soilshey Israel er ny vooghey.

2 Samuel 23:18

As va Abishai, braar Yoab, mac Zeruiah, yn ard-er mastey three; as hrog eh seose e shleiy noi three cheead, as varr eh ad, as va goo echey mastey’n three shoh.

2 Samuel 3:30

Myr shen ren Joab as Abishai e vraar stroie Abner, er-yn-oyr dy row eshyn er varroo nyn mraar Asahel ayns y chaggey ec Gibeon.

2 Samuel 3:39

As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.

1 Reeaghyn 1:33

Dooyrt y ree myrgeddin roo, Gow-jee mêriu sharvaantyn nyn jiarn, as cur-jee er Solomon my vac dy varkiagh er my vule hene, as cur-jee lhieu eh sheese gys Gihon.

1 Recortyssyn 11:20

As Abishai braar Yoab va’n ard-er jeh’n three: son hrog eh seose e shleiy noi three cheead, as varr eh ad, as echeysyn va’n ennym s’ooasle jeh’n three.

1 Recortyssyn 18:12

As ren Abishai mac Zeruiah stroie jeh ny Edomiteyn ayns coan y tollan hoght thousane jeig.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Noo Mark 3:24

As my ta reeriaght girree-magh n’oï hene, cha vod y reeriaght shen shassoo.

1 Samuel 26:6

Eisht dreggyr David as dooyrt eh rish Ahimelech yn Hittite, as Abishai mac Zeruiah braar Yoab, gra, Quoi hed sheese mârym’s gys camp Saul? As dooyrt Abishai, Hem’s sheese mayrt.