2 Samuel 20:4 - Yn Vible Casherick 1775 1819

⁴ Eisht dooyrt y ree rish Amasa, Tayrn cooidjagh hym’s deiney Yudah cheu-sthie jeh three laa, as bee uss oo-hene ayns shoh kionfenish mâroo.

2 Samuel 20:4 ပူးပေါင်းရင်းမြစ်များ

2 Samuel 17:25

As ren Absalom Amasa ny ard-chaptan y cheshaght ayns ynnyd Yoab: va’n Amasa cheddin mac da dooinney va’n ennym echey Ithra, [nish] Israelite, va er phoosey Abigail inneen Nahash, shuyr Zeruiah, moir Yoab.

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 19:14

As hyndaa eh cree ooilley deiney Yudah, myr cree un dooinney; myr shen dy dug ad y chaghteraght shoh gys y ree, Tar hooin reesht oo-hene, as ooilley dty harvaantyn.

1 Recortyssyn 2:17

As dymmyrk Abigail Amasa; as ayr Amasa va Jether yn Ishmaelite.