2 Samuel 20:21 - Yn Vible Casherick 1775 1819

²¹ Cha nee shen myr ta’n chooish: agh ta dooinney jeh slieau Ephraim (Sheba mac Bichri e ennym,) er hroggal seose e laue noi’n ree, eer noi David: jean-jee eshyn ynrycan y livrey hym, as faag-yms yn ard-valley. As dooyrt y ven rish Joab, Cur-my-ner, bee e chione tilgit magh hood’s harrish y voalley.

2 Samuel 20:21 ပူးပေါင်းရင်းမြစ်များ

2 Samuel 20:1

As haghyr dooinney dy ve ayns shen, dooinney dy Velial, as yn ennym echey Sheba, mac da Bichri, ny Venjamite; as heid eh trumpet, as dooyrt eh, Cha vel ayrn erbee ainyn ayns David, chamoo ta eiraght ain ayns mac Jesse: dy chooilley ghooinney gys e hie hene, O Israel.

2 Samuel 20:2

Myr shen hie ooilley deiney Israel seose veih David, as deiyr ad er Sheba mac Bichri: agh lhiann deiney Yudah gys nyn ree, veih Jordan eer gys Jerusalem.

2 Samuel 20:20

As dreggyr Joab as dooyrt eh, Foddey dy row eh voym, shen dy row foddey voym, dy jinnin’s sluggey seose ny stroie.

2 Samuel 23:18

As va Abishai, braar Yoab, mac Zeruiah, yn ard-er mastey three; as hrog eh seose e shleiy noi three cheead, as varr eh ad, as va goo echey mastey’n three shoh.

1 Reeaghyn 11:26

As Jeroboam mac Nebat, Ephrathite jeh Zereda, sharvaant Solomon, (va ennym e voir Zeruah, ben-treoghe,) ren eh shoh hene troggal seose e laue noi’n ree.

2 Reeaghyn 10:7

As haink eh gy-kione, tra haink y screeuyn shoh huc, dy ghow ad mec y ree, as varr ad three-feed persoon as jeih, as hug ad ny king oc ayns baskadyn huggey gys Jezreel.

2 Reeaghyn 5:22

As dooyrt eh, Ta ooilley dy mie. Ta my vainshtyr er m’y choyrt, gra, Cur-my-ner, eer ec y traa shoh t’er jeet hym’s veih slieau Ephraim daa ghooinney aegey jeh mec ny phadeyryn: cur daue, ta mee guee ort, talent dy argid, as daa chaghlaa coamrey.

Jeremiah 4:15

Son ta coraa troggal veih Dan, as fockley-magh naightyn trome veih cronk Ephraim.

Jeremiah 50:19

As ver-ym lhiam Israel reesht gys e ynnyd-vaghee hene, as nee eh gyndyr er Carmel as Bashan, as bee yn annym echey jeant magh er cronk Ephraim as Gilead.

Joshua 24:33

As hooar Eleazar mac Aaron baase; as doanluck ad eh ayns cronk va lesh Phinehas e vac, v’er ny choyrt da ayns cronk Ephraim.

Briwnyn 2:9

As doanluck ad eh, ayns oirr e eiraght hene ayns Timnath-heres, ayns cronk Ephraim, er cheu-twoaie jeh cronk Gaash.

Briwnyn 7:24

As hug Gideon magh chaghteryn trooid ooilley slieau Ephraim, gra, Tar-jee sheese noi ny Midianiteyn, as cosne-jee rouesyn gys aaghyn ny hawinyn gys Beth-barah as Jordan. Eisht va ooilley deiney Ephraim er nyn jaglym cooidjagh, as ghow ad ny ushtaghyn gys Beth-barah as Jordan.

Briwnyn 9:55

As tra honnick deiney Israel dy row Abimelech marroo, hie ad dy chooilley unnane gys e ynnyd hene.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?