2 Samuel 20:19 - Yn Vible Casherick 1775 1819

¹⁹ Ta mish unnane jeusyn ta sheeoil as firrinagh ayns Israel: t’ou shirrey stroie ard-valley, as moir balley ayns Israel: cre’n-fa nee oo sluggey seose eiraght y Chiarn?

2 Samuel 20:19 ပူးပေါင်းရင်းမြစ်များ

Genesis 18:23

As hayrn Abraham er-gerrey, as dooyrt eh, Jean oo myrgeddin stroie yn sleih ynrick marish ny mee-chrauee.

2 Samuel 14:16

Son ver y ree clashtyn, dy livrey e harvaant veih laue’n dooinney baillish mish y stroie as my vac mârym ass eiraght Yee.

2 Samuel 17:16

Nish er-y-fa shen, cur-jee fys ass laue, as abbyr-jee rish David, gra, Ny fuirree yn oie shoh ayns cheer-rea’n aasagh, agh cosne dy tappee harrish [Jordan]; er-aggle dy bee’n ree sluggit seose, as ooilley’n pobble ta mârish.

2 Samuel 20:18

As loayr ee, gra, Bollagh ad gra ’sy chenn earish, gra, Nee ad son shickyrys coyrle y hirrey ec Abel; as myr shen ren ad reaghey ny cooishyn.

2 Samuel 20:20

As dreggyr Joab as dooyrt eh, Foddey dy row eh voym, shen dy row foddey voym, dy jinnin’s sluggey seose ny stroie.

2 Samuel 21:3

Shen-y-fa dooyrt David rish ny Gibeoniteyn, Cre neem’s er ny son eu? as cre lesh nee’m lhiasaghey diu, dy vod shiu eiraght y Chiarn y vannaghey?

1 Reeaghyn 8:53

Son ren oo ad y scarrey veih mastey ooilley pobble y theihll, dy ve dty eiraght, myr loayr oo liorish Moses dty harvaant, tra hug oo lhiat ny ayraghyn ain magh ass Egypt, O HIARN YEE.

Psalmyn 106:5

Dy voddym fakin maynrys dty chloan reiht: as boggey ’ghoaill ayns gennallys dty phobble, as booise y choyrt marish dty eiraght.

Psalmyn 124:3

Veagh ny ushtaghyn, dy feer, er vaih shin: as veagh y thooilley er n’gholl harrish nyn annym.

Psalmyn 33:12

Bannit yn pobble ta’n Jee oc yn Chiarn Jehovah: as bannit ta’n sleih t’eh er reih son e eiraght.

Psalmyn 78:71

Reih eh myrgeddin David e harvaant: as ghow eh ersooyl eh veih ny bwoailtchyn keyrragh;

Jeremiah 51:34

Ta Nebuchadrezzar ree Vabylon er my chur mow, t’eh er my vroo, t’eh er my yannoo saagh follym, t’eh er my lhuggey sheese myr dragon, t’eh er lhieeney e volg lesh my vee s’blaystal, as er my hilgey magh.

Jeremiah 51:44

As neem’s Bel y vriwnys ayns Babylon, as goym’s ass e veeal shen t’eh er lhuggey; as cha jean ny ashoonyn ny smoo lhieeney stiagh huggey; dy feer, nee voalley Vabylon tuittym.

Dobberan 2:16

Ta ooilley dty noidyn er vosley nyn meeal dt’oï: t’ad gannidys as snaggeraght lesh nyn veeacklyn: t’ad gra, Ta shin er lhuggey seose ee: ta shoh son shickyrys yn laa va shin jeeaghyn er y hon: ta shin er gheddyn, ta shin er vakin eh.

Dobberan 2:2

Ta’n Chiarn er lhuggey seose ooilley cummaltee Yacob, cha row chymmey echey orroo: t’eh er cheau sheese ayns e eulys cashtallyn lajer inneen Yudah: t’eh er lhieggal ad kiart rish y thalloo: t’eh er n’yiooldey veih yn reeriaght as ny princeyn eck.

Dobberan 2:5

Va’n Chiarn myr noid: t’eh er lhuggey seose Israel, t’eh er lhuggey seose ooilley ny plaaseyn eck: t’eh er stroie e chashtallyn lajer, as t’eh er vishaghey trimshey as dobberan er inneen Yudah.

Earrooyn 16:32

As ren y thalloo fosley, as sluggey ad seose, as ny thieyn oc, as ooilley ny deiney va bentyn rish Korah, as ooilley’n chooid oc.

Earrooyn 26:10

As ren y thalloo fosley e beeal, as sluggey ad sheese cooidjagh marish Korah, tra va’n cheshaght shen giarit jeh, as ren yn aile stroie daa cheead as jeih deiney as da-eed: as haink ad dy ve raaue sampleyragh.

1 Corinthianee 15:54

Tra vees y corp neu-ghlen shoh eisht coamrit lesh glennid, as y corp marvaanagh shoh lesh y vea dy bragh beayn, eisht vees cooilleenit yn raa shen ta scruit, Ta baase sluggit seose ayns barriaght.

2 Corinthianee 5:4

Son ta shinyn t’ayns y chabbane shoh osnaghey, fo errey: cha nee dy baillhien ve gyn coamrey, agh coamrit harrish, dy voddagh y stayd baasoil ve sluggit seose ayns bioys.

Deuteronomy 20:10

Tra hig oo er-gerrey da ard-valley dy chaggey n’oï, eisht nee oo chebbal shee da.

Deuteronomy 32:9

Son lesh y Chiarn e phobble; ta Jacob cronney e eiraght.

1 Timothy 2:2

Son reeaghyn, as son ocsyn ooilley ta ayns ard-reill; dy vod mayd leeideil bea feagh as sheeoil ayns dy chooilley chraueeaght as ynrickys.

Briwnyn 5:7

Hie ny baljyn-cheerey naardey, hie ad naardey ayns Israel, derrey dirree mish Deborah, derrey dirree mish my voir ayns Israel.

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.