2 Samuel 20:12 - Yn Vible Casherick 1775 1819

¹² As va Amasa ny lhie strepey ayns e uill ayns mean y raad-vooar: as tra honnick y dooinney dy hass ooilley’n pobble raad v’eh, scugh eh Amasa ass y raad-vooar gys y vagher, as hilg eh coodagh harrish, tra honnick eh dy hass dy chooilley ghooinney haink raad v’eh.

2 Samuel 20:12 ပူးပေါင်းရင်းမြစ်များ

2 Samuel 17:25

As ren Absalom Amasa ny ard-chaptan y cheshaght ayns ynnyd Yoab: va’n Amasa cheddin mac da dooinney va’n ennym echey Ithra, [nish] Israelite, va er phoosey Abigail inneen Nahash, shuyr Zeruiah, moir Yoab.

2 Samuel 2:23

Ny-yeih, dob eh dy hyndaa dy lhiattee: shen-y-fa woaill Abner eh lesh kione e shleiy fo’n wheiggoo asney, dy daink yn shleiy magh trooid e ghreeym; as huitt eh sheese ayns shen, as hooar eh baase ’syn ynnyd cheddin: as shen myr ve, whilleen as haink gys y boayl raad huitt Asahel sheese, as hooar eh baase, dy hass ad.

2 Samuel 20:11

As hass fer jeh deiney Yoab liorish [Amasa], as dooyrt eh, Eshyn ta son Joab, as eshyn ta er cheu Ghavid, lhig da geiyrt er Joab.

2 Samuel 20:13

Tra v’eh scughit ass y raad-vooar, hie ooilley’n pobble er nyn doshiaght lurg Joab, er-eiyrt’s Sheba mac Bichri.

Psalmyn 55:23

O tilg dty errey er y Chiarn, as nee eh dty chummal seose: as cha lhig eh da’n fer-cairagh tuittym son dy bragh.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.