2 Samuel 20:10 - Yn Vible Casherick 1775 1819

¹⁰ Agh cha dug Amasa tastey da’n chliwe v’ayns laue Yoab: myr shen woaill eh eh lesh fo’n wheiggoo asney, as gheayrt eh magh e vynnagh er y thalloo, as cha woaill eh arragh; as hooar eh baase. Myr shen deiyr Joab as Abishai e vraar er Sheba mac Bichri.

2 Samuel 20:10 ပူးပေါင်းရင်းမြစ်များ

Genesis 4:8

As va focklyn eddyr Cain as Abel e vraar, as haink eh gy-kione, tra v’ad ’sy vagher, dy dirree Cain seose noi Abel e vraar, as varr eh eh.

2 Samuel 2:23

Ny-yeih, dob eh dy hyndaa dy lhiattee: shen-y-fa woaill Abner eh lesh kione e shleiy fo’n wheiggoo asney, dy daink yn shleiy magh trooid e ghreeym; as huitt eh sheese ayns shen, as hooar eh baase ’syn ynnyd cheddin: as shen myr ve, whilleen as haink gys y boayl raad huitt Asahel sheese, as hooar eh baase, dy hass ad.

2 Samuel 20:9

As dooyrt Joab rish Amasa, Vel oo ayns slaynt, my vraar? As ghow Joab Amasa er e aasaag lesh e laue yesh dy choyrt paag da.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

1 Recortyssyn 12:2

V’ad armit lesh bowghyn, as co-jesh lesh dagh laue, ayns ceau claghyn ass sling, as lhiggey sideyn ass bow, eer jeh kynney Saul jeh Benjamin.

Jeremiah 41:2

Eisht dirree Ishmael mac Nethaniah, as ny jeih deiney va mârish, as woaill ad Gedaliah mac Ahikam, mac Shaphan, lesh y chliwe, as varr ad eshyn va ree Vabylon er n’yannoo ny chiannoort harrish y cheer.

Earrooyn 35:20

Agh my t’eh tuittym er trooid goanlys, ny ceau red erbee er, liorish lhie cooyl-chlea er e hon, dy vow eh baase;

Briwnyn 3:15

Agh tra ren cloan Israel gaccan gys y Chiarn, hrog y Chiarn seose daue fendeilagh, Ehud mac Gera, Benjamite, dooinney kiuttagh: as leshyn hug cloan Israel gioot gys Eglon ree Voab.

Briwnyn 3:21

As hug Ehud magh e laue chiare, as ghow eh yn skynn-attey veih e lheayst yesh, as roie eh stiagh eh ’sy volg echey.

1 Samuel 26:8

Eisht dooyrt Abishai rish David, Ta Jee er livrey dty noid gys dty laue yn laa shoh: nish er-y-fa shen lhig dou eh y woalley, ta mee guee ort, lesh y shleiy, eer gys y thalloo ec builley, as cha der-ym da y nah vuilley.