2 Samuel 20:1 - Yn Vible Casherick 1775 1819

¹ As haghyr dooinney dy ve ayns shen, dooinney dy Velial, as yn ennym echey Sheba, mac da Bichri, ny Venjamite; as heid eh trumpet, as dooyrt eh, Cha vel ayrn erbee ainyn ayns David, chamoo ta eiraght ain ayns mac Jesse: dy chooilley ghooinney gys e hie hene, O Israel.

2 Samuel 20:1 ပူးပေါင်းရင်းမြစ်များ

Genesis 46:21

As mec Venjamin va Belah, as Becher, as Ashbel, Gera, as Naaman, Ehi, as Rosh, Muppim, as Huppim, as Ard.

2 Samuel 15:10

Agh hug Absalom chaghteryn follit trooid ooilley tribeyn Israel, gra, Cha leah’s chlinnys shiu sheean y trumpet, eisht abbyr-jee, Ta Absalom reill ayns Hebron.

2 Samuel 16:11

As dooyrt David rish Abishai, as rish ooilley e harvaantyn, Cur-my-ner, ta my vac, haink magh veih my veeghyn, shegin er my vioys: foddey sloo eisht ta’n Benjamite shoh dy ve cronnit. Faag-jee veue eh, as lhig da gweeaghyn: son ta’n Chiarn er lhiggey da.

2 Samuel 16:7

As myr shoh loayr Shimei myr v’eh gweeaghyn, Magh lhiat, magh ass y cheer oo, uss ghooinney folley, as uss vac Velial:

2 Samuel 18:17

As ghow ad Absalom, as hilg ad eh ayns ooig dowin ’sy cheyll, as hrog ad cayrn mooar dy chlaghyn harrish: as chossyn ooilley Israel dagh unnane gys e chabbane.

2 Samuel 20:2

Myr shen hie ooilley deiney Israel seose veih David, as deiyr ad er Sheba mac Bichri: agh lhiann deiney Yudah gys nyn ree, veih Jordan eer gys Jerusalem.

2 Samuel 20:22

Eisht hie’n ven gys ooilley’n pobble ayns e creenaght: as yiare ad jeh kione Sheba mac Bichri, as hilg ad eh magh gys Joab. As heid eh trumpet, as hrog ad veih’n ard-valley, dy chooilley ghooinney gys e chabbane. As hyndaa Joab gys y ree ec Jerusalem.

2 Samuel 23:6

As bee ooilley mec Velial tilgit dy lhiattee, myr drineyn nagh vod v’er nyn loaghtey.

1 Reeaghyn 12:16

Myr shen tra honnick ooilley Israel nagh dug yn ree clashtyn daue, dreggyr yn pobble yn ree, gra, Cre’n ayrn t’ain ayns David? chamoo ta eiraght ain ayns mac Jesse: ersooyl-jee gys nyn gabbaneyn, O Israel: jeeagh nish da dty hie hene, Ghavid. Myr shoh jimmee Israel roue gys nyn gabbaneyn.

1 Reeaghyn 21:10

As soie-jee daa ghooinney, mec Velial, kiongoyrt rish, dy ymmyrkey feanish n’oï, gra, Ren uss loayrt goan mollaghtagh noi Jee, as goltooaney’n ree: eisht cur-jee lhieu eh magh, as clagh-jee eh dy baase.

2 Recortyssyn 10:16

As tra honnick ooilley Israel nagh dug y ree geill daue, dansoor yn pobble y ree, gra, Cre’n ayrn t’ain ayns David? As cha vel eiraght erbee ain ayns mac Jesse: ersooyl-jee dy chooilley ghooinney gys nyn gabbaneyn, O Israel: as nish, Ghavid, jeeagh da dty hie hene. Myr shen hie ooilley Israel gys nyn gabbaneyn.

2 Recortyssyn 10:6

As ghow ree Rehoboam coyrle jeh ny shenn gheiney va fir-choyrlee Solomon e ayr, rish y lhing echey, gra, Cre’n choyrle ver shiu dou, dy voddym ansoor y choyrt da’n pobble shoh?

Psalmyn 17:13

Seose, Hiarn, cur e haaseyn mow, as ceau sheese eh: livrey m’annym veih’n vee-chrauee, ta myr cliwe ayns dty laue;

Psalmyn 34:19

S’mooar ta seaghyn y fer-cairal: agh ta’n Chiarn cur feaysley da assdoo ooilley.

Raaghyn Creeney 25:8

Ny gow magh dy siyragh gys streeu, er-aggle nagh bee fys ayd cre dy yannoo, my vees eh harrish, tra ta dty naboo er dty choyrt gys nearey.

Raaghyn Creeney 26:21

Myr ta geayl gys smarageyn loshtee, as fuygh er aile: myr shen ta peccagh anveagh dy oaddey streeu.

Noo Mark 3:24

As my ta reeriaght girree-magh n’oï hene, cha vod y reeriaght shen shassoo.

Noo Luke 19:14

Agh dirree yn theay shen magh n’oï, as hug ad chaghteraght geiyrt er, gra, Cha naill-lhien yn dooinney shoh dy reill harrin.

Noo Luke 19:27

Agh ad shen my noidyn nagh bailliu mish dy reill harrystoo, cur-jee lhieu ad ayns shoh, as cur-jee ad gy-baase kiongoyrt rhym.

Noo Ean 13:8

Dooyrt Peddyr rish, My chassyn’s cha niee oo dy bragh. Dreggyr Yeesey eh, mannagh niee-yms oo, cha vod ayrn erbee ve ayd mârym.

Deuteronomy 13:13

Ta lheid ny deiney shen, cloan Velial, er n’gholl magh veih ny mast’ eu, as er hayrn ersooyl cummaltee yn ard-valley oc, gra, Lhig dooin goll, as shirveish jeeghyn elley (nagh bione diu)

Briwnyn 19:22

Nish myr v’ad jannoo mooar jeu hene, cur-my-ner, ren shiartanse jeh deiney’n valley, mec Velial, chionney mysh y thie, as woaill ad ’sy dorrys, as loayr ad rish y chenn ghooinney, mainshtyr y thie, gra, Cur magh hooin yn dooinney shen haink stiagh gys dty hie, dy vod enney ’ve ain er.

Briwnyn 3:27

As haink eh gy-kione, tra v’eh er jeet, dy heid eh trumpet er slieau Ephraim, as haink cloan Israel sheese mârish veih’n clieau, as eshyn rhymboo.

Ruth 2:3

As hie ee ro-ee, as haink ee, as ren ee jeeassyragh ’sy vagher lurg ny beayneeyn: as haghyr ee er yn ayrn jeh’n vagher va lesh Boaz, va jeh kynney Elimelech.

1 Samuel 13:2

Ren Saul reih three thousaneyn dy gheiney Israel: jeu shoh va daa housane marish Saul ayns Michmash, as ayns cronk Beth-el, as va thousane marish Jonathan ayns Gibeah jeh Benjamin: as son y chooid elley jeh’n pobble hug eh thie dy chooilley ghooinney gys e chummal hene.

1 Samuel 2:12

Nish va mec Eli mec Velial; cha row aggle y Chiarn orroo.

1 Samuel 30:22

Eisht dreggyr ooilley’n vooinjer creoi-chreeagh, yn chloan shen dy Velial, hie marish David, as dooyrt ad, Er-yn-oyr nagh jagh ad mârin, cha der mayd daue ayrn erbee jeh’n spooilley ta shin er chosney, er-lhimmey da dy chooilley ghooinney e ven, as e chloan, dy vod ad goaill ad, as goll rhymboo.