2 Samuel 2:9 - Yn Vible Casherick 1775 1819

⁹ As ren eh eh ny ree harrish Gilead, as harrish ny Ashuriteyn, as harrish Jezreel, as harrish Ephraim, as harrish Benjamin, as harrish ooilley Israel.

2 Samuel 2:9 ပူးပေါင်းရင်းမြစ်များ

Genesis 30:13

As dooyrt Leah, S’maynrey ta mee, son nee ny mraane genmys mish bannit: as denmys ee eh Ashur.

2 Samuel 2:10

Va Ish-bosheth mac Saul da-eed bleïn dy eash tra ren eh toshiaght dy reill harrish Israel, as v’eh er reill daa vleïn. Agh deiyr thie Yudah er David.

2 Samuel 3:6

As haink eh gy-kione, choud’s va caggey eddyr thie Saul as thie Ghavid, dy hass Abner seose dy dunnal son thie Saul.

1 Recortyssyn 12:29

As jeh cloan Venjamin dy chynney Saul, three thousaneyn: son gys y traa shoh, va’n ayrn smoo jeu er lhiantyn gys reill thie Saul.

1 Recortyssyn 12:30

As jeh cloan Ephraim, feed thousane as hoght cheead, deiney niartal as dunnal, ooasle ayns thie nyn ayraghyn.

Psalmyn 108:8

Ta Gilead lhiam’s, as lhiam’s Manasses: ta Ephraim myrgeddin troshid my ching;

Earrooyn 1:40

Jeh cloan Asher, liorish ny sheelogheyn oc, cordail rish nyn lught-thie, myr va thie nyn ayraghyn, cordail rish earroo ny enmyn, veih feed bleïn d’eash, as erskyn ooilley ny va son goll magh gys caggey;

Joshua 16:5

As shoh myr va cagliagh cloan Ephraim, cordail rish ny kynneeyn oc; cagliagh nyn eiraght er y cheu har va Ataroth-addar, gys Beth-horon heose:

Joshua 16:8

Hie’n chagliagh magh veih Tappuah sheear gys awin Kanah; as ren eh jerrey ec yn aarkey. Shoh eiraght tribe cloan Ephraim rere ny kynneeyn oc.

Joshua 16:9

As ny ard-valjyn va soit magh son cloan Ephraim v’ad fud eiraght cloan Vanasseh, ooilley ny baljyn-mooarey marish ny baljyn-beggey.

Joshua 17:1

Va cronney myrgeddin cour tribe Vanasseh, (son v’eh mac shinney Yoseph;) ta shen, son Machir mac shinney Vanasseh, ayr Ghilead; son dy nee dooinney caggee v’eh, shen-y-fa va Gilead as Bashan echey.

Joshua 18:11

As haink lot tribe cloan Venjamin magh cordail rish nyn gynneeyn: as haghyr ayrn y lot ocsyn dy ve eddyr cloan Yudah as cloan Yoseph.

Joshua 18:20

As va Jordan yn cagliagh er y cheu har. Shoh va eiraght cloan Venjamin, cordail rish ny cagleeyn ooilley mygeayrt, rere nyn gynneeyn.

Joshua 19:18

As roie’n chagliagh ocsyn lesh Jezreel, as Chesulloth, as Shunem,

Joshua 22:9

As hyndaa cloan Reuben, as cloan Ghad, as lieh-tribe Vanasseh, as daag ad cloan Israel ec Shiloh t’ayns cheer Chanaan, dy gholl gys cheer Ghilead, thalloo nyn eiraght, haink er yn ayrn oc, cordail rish goo’n Chiarn liorish Moses.

Briwnyn 1:32

Agh ren ny Asheriteyn cummal mastey ny Canaaniteyn, as cummaltee’n cheer; son cha deiyr ad magh ad dy bollagh.

1 Samuel 29:1

Nish hayrn ny Philistinee ooilley’n armee cooidjagh gys Aphek: as ren ny Israeliteyn campal liorish farrane ta ayns Jezreel.