2 Samuel 2:6 - Yn Vible Casherick 1775 1819

⁶ As nish dy jean y Chiarn kenjallys as firrinys y hoilshaghey diuish: as neem’s myrgeddin shoh nyn aigney-mie y chooilleeney, son dy vel shiu er n’yannoo yn red shoh.

2 Samuel 2:6 ပူးပေါင်းရင်းမြစ်များ

2 Samuel 10:2

Eisht dooyrt David, Neem’s my chenjallys y yeeaghyn da Hanun mac Nahash, myr hoilshee e ayr aigney-mie dooys. As hug David e harvaantyn dy gherjaghey eh son baase e ayrey. As haink sharvaantyn Ghavid gys cheer cloan Ammon.

2 Samuel 15:20

Fakin nagh daink uss agh er y gherrit shoh, cre’n-fa ragh oo noon as noal mârin? as dy vel fys aym’s cre’n raad ny ghoaill, chyndaa uss, as gow mayrt dty vraaraghyn: as myghin as firrinys dy row mayrt.

2 Samuel 2:7

Shen-y-fa nish, lhig da nyn laueyn v’er nyn niartaghey, as bee-jee dunnal: son ta nyn mainshtyr Saul marroo, as er shoh ta thie Yudah er my ooilaghey dy ve ree harrystoo.

2 Samuel 9:3

As dooyrt y ree, Nagh vel foast veg er-mayrn jeh thie Saul, dy voddym kenjallys Yee y yeeaghyn da? As dooyrt Ziba rish y ree, Ta mac foast ec Jonathan, ta baccagh.

2 Samuel 9:7

As dooyrt David rish, Ny bee aggle ort: son neem’s dy firrinagh aigney-mie y yeeaghyn dhyt er graih dty ayr Jonathan, as ver-yms oo reesht ayns eiraght Saul dt’ayr; as bee oo my ghoaldagh kinjagh ec my voayrd hene.

Psalmyn 57:3

Ver eh cooney hym veih niau: as sauee eh mee veih’n scammylt echeysyn baillish mee y stroie.

Exodus 34:6

As hie’n Chiarn shaghey kiongoyrt rish, as ren eh fockley magh, yn CHIARN, yn CHIARN JEE, myghinagh as graysoil, jeh surranse-foddey, as feoiltagh ayns mieys as ayns ynrickys,

Raaghyn Creeney 14:22

Nagh vel ad er-shaghryn ta shêgin er olk? agh bee myghin as firrinys mâroosyn ta smooinaghtyn dy mie.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Noo Mian 5:44

Agh ta mish gra riu, Bee-jee dooie da nyn noidyn, bannee-jee adsyn ta gwee mollaght diu, jean-jee mie dauesyn ta cur dwoaie diu, as gow-jee padjer er nyn son ocsyn ta dy goanlyssagh jannoo tranlaase erriu:

Noo Mian 5:7

Bannit ta’n vooinjer vyghinagh: son bee myghin er ny hoilshaghey daue.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Ruth 1:8

As dooyrt Naomi rish y daa inneen-’sy-leigh eck, Immee-jee, chyndaa-jee reesht gys thie nyn mayrey: dy jean y Chiarn dellal dy graysoil riuish, myr ta shiuish er ghellal rish ny merriu, as rhym’s.