2 Samuel 2:5 - Yn Vible Casherick 1775 1819

⁵ As hug David chaghteryn gys deiney Yabesh-gilead, as dooyrt eh roo, Bannit dy row shiuish jeh’n Chiarn, son y chenjallys shoh ta shiu er hoilshaghey da nyn jiarn, eer da Saul, as dy vel shiu er n’oanluckey eh.

2 Samuel 2:5 ပူးပေါင်းရင်းမြစ်များ

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Genesis 14:22

As dooyrt Abram rish ree Sodom, Ta mee er hroggal seose my laue gys y Chiarn, yn Jee smoo syrjey, leshyn ta niau as thalloo.

2 Samuel 15:20

Fakin nagh daink uss agh er y gherrit shoh, cre’n-fa ragh oo noon as noal mârin? as dy vel fys aym’s cre’n raad ny ghoaill, chyndaa uss, as gow mayrt dty vraaraghyn: as myghin as firrinys dy row mayrt.

2 Samuel 21:12

As doardee David, as ghow ad craueyn Saul as craueyn Yonathan e vac, veih deiney Yabesh-gilead, v’er gheid ad veih straid Beth-shan, raad chrogh ny Philistinee [ad, tra va ny Philistinee er varroo] Saul ayns Gilboa.

Psalmyn 115:15

Shiuish ta cloan bannit y Chiarn: chroo niau as y thalloo.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Briwnyn 21:8

As dooyrt ad, Quoi t’ayn jeh tribeyn Israel, nagh daink seose gys Mizpeh gys y Chiarn? As cur-my-ner, cha daink dooinney veih Jabesh-gilead gys y champ ec yn eam.

Ruth 1:8

As dooyrt Naomi rish y daa inneen-’sy-leigh eck, Immee-jee, chyndaa-jee reesht gys thie nyn mayrey: dy jean y Chiarn dellal dy graysoil riuish, myr ta shiuish er ghellal rish ny merriu, as rhym’s.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:10

As dooyrt eh, Bannit dy row uss jeh’n Chiarn, my inneen; son t’ou er yeeaghyn ny smoo dy chenjallys ’sy chooish s’jerree shoh na ec y toshiaght, fakin nagh deiyr oo er deiney aegey, berchagh ny boght.

1 Samuel 11:1

Eisht haink Nahash yn Ammonite seose, as ren eh campal noi Jabesh-gilead: as dooyrt ooilley deiney Yabesh rish Nahash, Jean conaant rooin, as nee mayd oo y hirveish.

1 Samuel 11:9

As dooyrt ad rish ny chaghteryn, Shoh myr jir shiu rish deiney Yabesh-gilead, Mairagh, mysh y vun-laa, yiow shiu cooney. As haink ny chaghteryn, as hoilshee ad shoh da deiney Yabesh; as ghow ad cree.

1 Samuel 15:13

As haink Samuel gys Saul; as dooyrt Saul rish, Dy bannee’n Chiarn oo: ta mee er chooilleeney oardagh y Chiarn.

1 Samuel 23:21

As dooyrt Saul, Bannit dy row shiuish veih’n Chiarn; son ta shiu goaill chymmey jee’m,

1 Samuel 24:19

Son my ta dooinney geddyn e noid, jean eh yn raad y lhiggey da? Dy jean y Chiarn er-y-fa shen uss y chooilleeney dy mie son ny t’ou er n’yannoo rhym er y laa shoh.