2 Samuel 2:32 - Yn Vible Casherick 1775 1819

³² As hrog ad lhieu Asahel, as doanluck ad eh ayns oaie e ayrey, v’ayns Beth-lehem. As hie Joab as e gheiney fud-ny-hoie, as haink ad gys Hebron ec brishey’n laa.

2 Samuel 2:32 ပူးပေါင်းရင်းမြစ်များ

Genesis 47:29

As hayrn y traa er-gerrey dy row Israel dy gheddyn baase, as hug eh fys er e vac Joseph, as dooyrt eh rish, My ta mee nish er gheddyn foayr ayns dty hilley, cur, ta mee guee ort, dty laue fo my lheayst, as jean dellal dy dooie as dy firrinagh rhym: ny jean mish y oanluckey, ta mee guee ort, ayns Egypt.

Genesis 47:30

Agh m’aigney eh dy lhie marish m’ayraghyn, as ver oo lhiat mee ass Egypt, as nee oo m’oanluckey ’sy ghrunt oanluckee ocsyn. As dooyrt eh, Nee’m myr t’ou er ghra.

2 Samuel 2:31

Agh va sharvaantyn Ghavid er woalley as er varroo jeh Benjamin, as jeh deiney Abner, three cheead as three-feed.

2 Samuel 5:1

Eisht haink ooilley tribeyn Israel gys David ec Hebron, as dooyrt ad, Cur-my-ner, ta shinyn dty chraue as dt’eill.

2 Recortyssyn 16:14

As doanluck ad eh ’syn oaie, v’eh er n’yannoo da hene ayns ard-valley Ghavid, as hug ad eh ayns y lhiabbee, v’er ny lhieeney lesh soaryn miljey, as ymmodee sorch dy spiceyn jeant seose liorish schleï yn phothecary: as ren ad aile oanluckee mooar y yannoo er e hon.

2 Recortyssyn 21:1

Nish chaddil Jehoshaphat marish e ayraghyn, as v’eh oanluckit marish e ayraghyn ayns ard-valley Ghavid: as ren Jehoram e vac reill ayns e ynnyd.

Raaghyn Creeney 22:29

Vel oo fakin dooinney jeidjagh ayns e obbyr? nee eh shassoo fenish reeaghyn, cha jean eh shirveish deiney donney.

Briwnyn 8:32

As hooar Gideon mac Yoash baase tra v’eh shenn dy mie, as v’eh er ny oanluckey ayns lhiaght Yoash e ayr, ayns Ophrah jeh ny Abiezriteyn.

1 Samuel 17:58

As dooyrt Saul rish, Quoi dy mac oo, uss ghooinney aeg? As dreggyr David, Ta mish mac dty harvaant Jesse yn Beth-lehemite.