2 Samuel 2:26 - Yn Vible Casherick 1775 1819

²⁶ Eisht deïe Abner gys Joab, as dooyrt eh, Vel yn cliwe ry-hoi stroie son dy bragh? nagh vel fys ayd dy bee’n obbyr shoh trimshey ec y jerrey? caïd eisht nee oo lhiggey shaghey dy lhiettal y pobble veih geiyrt er nyn mraaraghyn?

2 Samuel 2:26 ပူးပေါင်းရင်းမြစ်များ

2 Samuel 11:25

Eisht dooyrt David rish y chaghter, Myr shoh nee oo gra rish Joab, Ny lhaggee dty laue son shoh; son ta’n cliwe stroie fer chammah’s fer elley: niartee dty laue ny s’troshey noi’n ard-valley, as stroie eh; as cur eh ayns cree.

2 Samuel 2:14

As dooyrt Abner rish Joab, Lhig da ny deiney aegey nish girree, as cloie-caggee y yeeaghyn dooin. As dooyrt Joab, Lhig daue girree.

2 Samuel 2:16

As haare ad dagh fer e heshey er y chione, as roie eh e chliwe ayns lhiattee e heshey; myr shen dy huitt ad sheese cooidjagh. Shen-y-fa va’n ynnyd shen enmyssit Helkath-hazzurim t’ayns Gibeon.

2 Samuel 2:25

As hayrn cloan Venjamin ad-hene cooidjagh dy gholl er-eiyrt’s Abner, as haink ad dy ve un heshaght, as hass ad er mullagh cronk.

2 Samuel 2:27

As dooyrt Joab, Myr ta Jee bio, er-be dty ghoan hene ’sy voghrey, va’n pobble son shickyrys er skeayley gyn dooinney dy eiyrt er e vraar.

Lioar Yob 18:2

Caïd nagh bee jerrey er nyn ghoan? fuirree-jee erriu, as ny lurg shen nee mayd loayrt.

Lioar Yob 19:2

Caïd nee shiu m’annym y heaghney, as brishey my chree lesh nyn ghoan?

Psalmyn 4:2

O shiuish vec gheiney, caïd nee shiu goltooan my ooashley: as goaill lheid y taitnys ayns coyrleyn fardalagh as geiyrt da breagyn?

Raaghyn Creeney 17:14

Ta toshiaght streeu myr lhiggey raad da thooilley: shen-y-fa lhig voïd anvea, my jed eh er y hoshiaght.

Isaiah 1:20

Agh my ta shiu gobbal as girree-magh, bee shiuish er nyn stroie lesh y chliwe: son ta beeal y Chiarn er loayrt eh.

Jeremiah 12:12

Ta ny roosteyryn er jeet er ooilley ny ard-ynnydyn fud yn aasagh: son nee cliwe yn Chiarn stroie veih’n derrey chione jeh’n cheer eer gys y chione elley: cha bee fea ec cretoor erbee.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 4:21

Caïd hee-ym yn mergey-caggee, as caïd chlin-ym sheean y trumpet?

Jeremiah 46:10

Son ta shoh laa yn Chiarn Jee ny sheshaghtyn-caggee, laa yn lhiasaghey, dy ghoaill cooilleeney er e noidyn: as nee yn cliwe sluggey gys y clane, as bee eh er-meshtey lesh yn uill oc; son ec y Chiarn Jee ny sheshaghtyn-caggee ta oural [folley] ayns y cheer twoaie liorish yn awin Euphrates.

Jeremiah 46:14

Fockle-jee magh eh ayns Egypt, as cur-jee eam ayns Migdol; insh-jee magh eh ayns Noph, as ec Tahpanhes: abbyr-jee, Shass shickyr, as bee er dty hwoaie; son nee yn cliwe sluggey ooilley mygeayrt-y-mood.

Hosea 11:6

As nee yn cliwe tannaghtyn er e ard-valjyn, as ver eh mow e vanglaneyn, as stroie ad, kyndagh rish ny coyrleyn oc hene.

Jannoo 7:26

As laa-ny-vairagh haink eh ny-vud oc myr v’ad ec streeu ry-cheilley, as baillish ad y hayrn gys coardail, gra, Gheiney, she braaraghyn shiu; cre’n-fa ta shiu jannoo aggair yn derrey yeh da’n jeh elley?