2 Samuel 2:23 - Yn Vible Casherick 1775 1819

²³ Ny-yeih, dob eh dy hyndaa dy lhiattee: shen-y-fa woaill Abner eh lesh kione e shleiy fo’n wheiggoo asney, dy daink yn shleiy magh trooid e ghreeym; as huitt eh sheese ayns shen, as hooar eh baase ’syn ynnyd cheddin: as shen myr ve, whilleen as haink gys y boayl raad huitt Asahel sheese, as hooar eh baase, dy hass ad.

2 Samuel 2:23 ပူးပေါင်းရင်းမြစ်များ

2 Samuel 2:24

Hie Joab myrgeddin as Abishai er-eiyrt’s Abner: as ve mysh lhie ny greïney tra rosh ad gys cronk Ammah, ta jeeragh er Giah, lesh faasagh Gibeon.

2 Samuel 20:10

Agh cha dug Amasa tastey da’n chliwe v’ayns laue Yoab: myr shen woaill eh eh lesh fo’n wheiggoo asney, as gheayrt eh magh e vynnagh er y thalloo, as cha woaill eh arragh; as hooar eh baase. Myr shen deiyr Joab as Abishai e vraar er Sheba mac Bichri.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

2 Samuel 3:30

Myr shen ren Joab as Abishai e vraar stroie Abner, er-yn-oyr dy row eshyn er varroo nyn mraar Asahel ayns y chaggey ec Gibeon.

2 Samuel 4:6

As hie ad stiagh ’sy thie, myr dy beagh ad mysh cur lhieu curnagh, as woaill ad eh fo’n wheiggoo asney: as chossyn Rechab as Baanah e vraar ersooyl.

2 Samuel 5:6

As hie’n ree as e gheiney seose gys Jerusalem noi ny Jebusiteyn: as dooyrt cummaltee’n cheer rish David, Cha jig oo stiagh ayns shoh, son nee ny doail as ny baccee uss y reayll magh, gra, Cha jig oo stiagh ayns shoh.