2 Samuel 2:22 - Yn Vible Casherick 1775 1819

²² As dooyrt Abner reesht rish Asahel, Chyndaa dy lhiattee veih geiyrt orrym’s; nagh lhieg-yms oo gys y thalloo: kys eisht oddin’s m’eddin y yeeaghyn da Joab dty vraar?

2 Samuel 2:22 ပူးပေါင်းရင်းမြစ်များ

2 Samuel 2:21

As dooyrt Abner rish, Chyndaa dy lhiattee gys y laue yesh ny gys y laue hoshtal, as glack fer jeh ny deiney aegey, as gow yn eïlley-caggee echeysyn. Agh cha jyndaagh Asahel dy lhiattee veih geiyrt er Abner.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Ecclesiastes 6:10

Shen ny ta er ve, te hannah enmyssit, as s’mie fys nagh vel eh agh dooinney: chamoo oddys eh streeu rishyn ta ny s’niartal na ’hene.

1 Samuel 19:17

As dooyrt Saul rish Michal, Cre’n-fa t’ou myr shoh er my volley, as er lhiggey’n raad da my noid, dy vel eh er scapail? As dreggyr Michal Saul, Dooyrt eh rhym, Lhig dou goll; er-nonney marr-ym oo.