2 Samuel 2:18 - Yn Vible Casherick 1775 1819

¹⁸ As va three jeh mec Zeruiah ayns shen, Joab, as Abishai, as Asahel: as va Asahel coshee cha skibbylt as feeaïh ’sy vagher.

2 Samuel 2:18 ပူးပေါင်းရင်းမြစ်များ

2 Samuel 1:23

S’ghraihoil as s’aalin yn aigney-mie va eddyr Saul as Jonathan ayns nyn mioys, as ayns baase cha row ad er nyn scarrey: v’ad ny s’bieau na urlee, v’ad ny s’troshey na lionyn.

2 Samuel 14:1

Nish ghow Joab mac Zeruiah tastey dy row cree y ree meiyghey gys Absalom.

2 Samuel 2:19

As deiyr Asahel er Abner; as ayns e immeeaght cha hyndaa eh gys y laue yesh ny gys y laue chiare veih geiyrt er.

2 Samuel 22:34

T’eh jannoo my chassyn myr cassyn feeaih; as soiaghey mee er m’ynnydyn ardey.

2 Samuel 23:24

Va Asahel braar Yoab fer jeh’n jeih as feed; Elhanan mac Dodo veih Beth-lehem.

1 Reeaghyn 2:5

Marish shen, ta fys ayd myrgeddin cre ren Joab mac Zeruiah rhym’s, as cre ren eh rish y daa chaptan sheshaght-caggee Israel, rish Abner mac Ner, as rish Amasa mac Jether ren eh y varroo, as gheayrt eh fuill y chaggey ayns shee, as hug eh fuill y chaggey er e chryss va mysh e veeghyn, as ayns e vraagyn v’er e chassyn.

1 Recortyssyn 11:26

Ny deiney dunnal elley jeh ny sheshaghtyn-caggee va, Asahel, braar Yoab, Elhanan mac Dodo jeh Beth-lehem,

1 Recortyssyn 12:8

As jeh ny Gaditeyn haink stiagh gys David gys y charrick ’syn aasagh, deiney niartal, as reih deiney caggee, aghtal dy loaghtey shleiy as scape; ny eddinyn oc va goll-rish eddinyn lionyn, as gastey myr feeaih er ny sleityn:

1 Recortyssyn 12:9

Ezer y chied er, Obadiah yn nah er, Eliab y trass er,

1 Recortyssyn 27:7

Yn chiarroo chaptan son y chiarroo vee, va Asahel braar Yoab, as Zebadiah e vac by-niessey da: as ayns y choorse echeysyn va kiare thousaneyn as feed.

Psalmyn 18:33

T’eh jannoo my chassyn myr cassyn feeaïh: as soiaghey mee seose dy ard.

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

Arrane Solomon 2:17

Derrey’n vadran, as skeayley ny bodjallyn, chyndaa my ghraih, as bee uss myr y vinjeig feïe, ny’n feeaïh aeg er sleityn Vether.

Arrane Solomon 8:14

Jean siyr, my ghraih, as bee myr y vinjeig feïe, ny myr yn feeaïh aeg er sleityn ny spiceyn.

Amos 2:14

Cha bee sauchys cour ny coshee bieau, as cha bee bree erbee ayns troshid yn er lajer, chamoo nee yn treanagh eh-hene y livrey:

Habakkuk 3:19

Ta’n Chiarn Jee my niart, as nee eh my chassyn myr cassyn feeaïh, as ver eh orrym shooyl er my ynnydyn ard. Gys yn ard-chiaulleyder er my ghreïnyn strengit.

1 Samuel 26:6

Eisht dreggyr David as dooyrt eh rish Ahimelech yn Hittite, as Abishai mac Zeruiah braar Yoab, gra, Quoi hed sheese mârym’s gys camp Saul? As dooyrt Abishai, Hem’s sheese mayrt.