2 Samuel 2:14 - Yn Vible Casherick 1775 1819

¹⁴ As dooyrt Abner rish Joab, Lhig da ny deiney aegey nish girree, as cloie-caggee y yeeaghyn dooin. As dooyrt Joab, Lhig daue girree.

2 Samuel 2:14 ပူးပေါင်းရင်းမြစ်များ

2 Samuel 2:15

Eisht hrog ad orroo, as hie ad harrish, ghaa yeig jeh Benjamin, v’er cheu Ish-bosheth mac Saul, as ghaa-yeig jeh deiney Ghavid.

2 Samuel 2:16

As haare ad dagh fer e heshey er y chione, as roie eh e chliwe ayns lhiattee e heshey; myr shen dy huitt ad sheese cooidjagh. Shen-y-fa va’n ynnyd shen enmyssit Helkath-hazzurim t’ayns Gibeon.

2 Samuel 2:17

As va magher feer dewil ayn er y laa shen: as chossyn sharvaantyn Ghavid y laa er Abner, as er deiney Israel.

2 Reeaghyn 14:8

Eisht hug Amaziah chaghteryn gys Jehoash, mac Jehoahaz, mac Jehu ree Israel, gra, Tar, lhig dooin jeeaghyn y cheilley ’syn eddin.

Raaghyn Creeney 10:23

Te myr gamman da’n ommydan dy yannoo olk: agh ec dooinney lowal ta creenaght.

Raaghyn Creeney 17:14

Ta toshiaght streeu myr lhiggey raad da thooilley: shen-y-fa lhig voïd anvea, my jed eh er y hoshiaght.

Raaghyn Creeney 20:18

Ta dy chooilley chiarail, liorish coonceil, er ny niartaghey: as lesh coyrle vie gow laue rish caggey.

Raaghyn Creeney 25:8

Ny gow magh dy siyragh gys streeu, er-aggle nagh bee fys ayd cre dy yannoo, my vees eh harrish, tra ta dty naboo er dty choyrt gys nearey.