2 Samuel 2:1 - Yn Vible Casherick 1775 1819

¹ As haink eh gy-kione lurg shoh, dy ren David briaght jeh’n Chiarn, gra, Jem seose gys veg jeh ard-valjyn Yudah? As dooyrt y Chiarn rish, Gow seose. As dooyrt David, Quoi jeh ny ard-valjyn? As dooyrt eh, Gys Hebron.

2 Samuel 2:1 ပူးပေါင်းရင်းမြစ်များ

Genesis 13:18

Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

Genesis 32:2

As tra honnick Jacob ad, dooyrt eh, Shoh sheshaght-caggee Yee: as denmys eh yn ynnyd shen Mahanaim.

2 Samuel 15:7

As haink eh gy-kione, lurg kiare bleeaney, dy dooyrt Absalom rish y ree, Ta mee guee ort, lhig dou goll gys Hebron dy chooilleeney my vreearrey ta mee er n’yannoo da’n Chiarn,

2 Samuel 2:11

(As y traa va David ny ree ayns Hebron harrish thie Yudah, va shiaght bleeaney as shey meeaghyn.)

2 Samuel 5:19

As hir David coyrle jeh’n Chiarn, gra, Jem seose noi ny Philistinee? jean oo ad y livrey gys my laue? As dooyrt y Chiarn rish David, Gow seose; son neem’s son shickyrys ny Philistinee y livrey gys dty laue.

2 Samuel 5:23

As tra va David er hirrey coyrle jeh’n Chiarn, dooyrt eh, Cha jed oo seose; agh gow combaase nyn yeï, as tar stiagh er y chooyl oc, liorish ny biljyn-mulberry.

1 Reeaghyn 2:11

As y traa ren David reill er Israel ve da-eed bleïn: shiaght bleeaney ren eh reill ayns Hebron, as three bleeaney jeig as feed ren eh reill ayns Jerusalem.

1 Recortyssyn 29:7

As hug ad son shirveish thie Yee queig thousane talent, as jeih thousane peesh dy airh; as jeih thousane talent dy argid; as jeh prash hoght thousane jeig dy halentyn; as keead thousane talent dy yiarn.

2 Recortyssyn 11:10

As Zorah, as Aijalon, as Hebron; ta ayns Judah, as ayns Benjamin, ard-valjyn voallit.

Psalmyn 143:8

O lhig dou clashtyn dty chenjallys-ghraihagh leah ’sy voghrey, son aynyd’s ta my hreishteil: jeeagh dou yn raad ayn lhisin gimmeeaght, son hood’s ta mee troggal seose m’annym.

Psalmyn 27:4

Un red ta mish er hirrey er y Chiarn, shen nee’m y yeearree: dy jarroo dy voddym baghey ayns thie yn Chiarn ooilley laghyn my vea, dy akin aalid eunyssagh y Chiarn, as dy haaghey e hiamble.

Ezekiel 36:37

Myr shoh ta’n Chiarn Jee dy ghra, Nee thie Israel foast shirrey hym dy yannoo shen er nyn son; nee’m adsyn y vishaghey lesh deiney myr shioltane.

Earrooyn 13:22

As hie ad seose my-yiass, as haink ad gys Hebron; raad va Ahiman, Sheshai, as Talmai mec Anak (nish va Hebron troggit shiaght bleeaney roish Zoan ayns Egypt.)

Earrooyn 27:21

As nee eh shassoo fenish Eleazar y saggyrt, nee shirrey coyrle er e hon, liorish briwnys yn Urim, kiongoyrt rish y Chiarn: ec y fockle echeysyn hed ad magh, as ec y fockle echey hig ad stiagh, chammah eh hene, as ooilley cloan Israel mârish, eer yn slane sheshaght.

Joshua 15:13

As da Caleb mac Jephunneh hug eh ayrn mastey cloan Yudah, cordail rish sarey’n Chiarn da Joshua, eer ard-valley Arba ayr Anak, ta shen Hebron.

Briwnyn 1:1

Nish lurg baase Yoshua, haink eh gy-kione, dy ren cloan Israel shirrey coyrle jeh’n Chiarn, gra, Quoi hed seose hoshiaght er nyn son noi ny Canaaniteyn, dy chaggey?

1 Samuel 10:22

Shen-y-fa vrie ad jeh’n Chiarn ny sodjey, darragh y dooinney kionfenish. As dreggyr y Chiarn, Cur-my-ner, t’eh er cheiltyn eh-hene mastey’n stoo.

1 Samuel 23:2

Er-y-fa shen ren David briaght jeh’n Chiarn, gra, Jig eh lhiam goll, as bwoalley ny Philistinee shoh? As dooyrt y Chiarn rish David, Gow royd, as bwoaill ny Philistinee, as livrey Keilah.

1 Samuel 23:4

Eisht hir David reesht coyrle jeh’n Chiarn. As dreggyr y Chiarn eh, as dooyrt eh, Trog ort, gow sheese gys Keilah; son nee’m ny Philistinee y livrey gys dty laue.

1 Samuel 30:31

As dauesyn v’ayns Hebron, as gys dy chooilley ynnyd va David as e gheiney oayllagh dy haaghey.