2 Samuel 19:9 - Yn Vible Casherick 1775 1819

⁹ As va anvea mastey ooilley’n pobble, trooid ooilley tribeyn Israel, gra, Haue y ree shin ass laue nyn noidyn, as livrey eh shin ass laue ny Philistinee; as nish t’eh er roie’n cheer kyndagh rish Absalom.

2 Samuel 19:9 ပူးပေါင်းရင်းမြစ်များ

2 Samuel 15:14

As dooyrt David rish ooilley e harvaantyn va mârish ec Jerusalem, Irree-jee, as lhig dooin cosney ersooyl; er-nonney cha jean mayd scapail veih Absalom: lhig dooin siyr ’yannoo dy gholl roïn, er-aggle dy jig eh orrin doaltattym, as cragh y choyrt orrin, as dy bwoaill eh yn ard-valley lesh foyr y chliwe.

2 Samuel 18:17

As ghow ad Absalom, as hilg ad eh ayns ooig dowin ’sy cheyll, as hrog ad cayrn mooar dy chlaghyn harrish: as chossyn ooilley Israel dagh unnane gys e chabbane.

2 Samuel 19:10

As Absalom, ren shin y ooilaghey harrin, t’eh marroo ’sy chaggey: nish er-y-fa shen, kys te nagh vel shiu loayrt fockle mychione coyrt lhieu back y ree?

2 Samuel 19:40

Eisht hie’n ree er e hoshiaght gys Gilgal, as Chimham mârish; as va ooilley pobble Yudah goll marish y ree, as myrgeddin lieh jeh pobble Israel.

2 Samuel 22:44

Veih anvea my phobble t’ou myrgeddin er my livrey, t’ou er my reayll dy ve kione ny ashoonyn: nee pobble nagh nione dou mish y hirveish.

2 Samuel 5:20

As haink David gys Baal-perazim, as woaill David ad ayns shen, as dooyrt eh, Ta’n Chiarn er vrishey magh er my noidyn kiongoyrt rhym, myr brishey magh ushtaghyn. Shen-y-fa denmys eh yn ynnyd shen Baal-perazim.

Psalmyn 18:43

Nee uss m’y livrey veih anvea yn phobble: as ver oo orrym dy ve kione ny ashoonyn.

Exodus 32:24

As dooyrt mee roo, Quoi-erbee ta fainaghyn airh echey, lhig daue goaill jeu ad: er shoh hug ad dou ad: eisht hilg mee ad ’syn aile, as haink y lheiy shoh magh.

1 Samuel 17:50

Myr shoh hooar David y varriaght er y Philistine lesh sling as lesh clagh, as woaill eh yn Philistine, as varr eh eh; agh cha row cliwe ayns laue Ghavid.

1 Samuel 18:25

As dooyrt Saul, Myr shoh jir shiu rish David, Cha vel y ree shirrey toghyr erbee, agh keead chymmylt jeh ny Philistinee, dy ghoaill cooilleeney er noidyn y ree. Agh smooinee Saul dy chur er David tuittym liorish laue ny Philistinee.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?