2 Samuel 19:8 - Yn Vible Casherick 1775 1819

⁸ Eisht dirree’n ree, as hoie eh ’sy yiat. As dinsh ad da ooilley’n pobble, gra, Cur-my-ner, ta’n ree ny hoie ’sy yiat. As haink ooilley’n pobble kiongoyrt rish y ree; son va Israel er gosney ersooyl dy chooilley ghooinney gys e chummal.

2 Samuel 19:8 ပူးပေါင်းရင်းမြစ်များ

2 Samuel 15:2

As dirree Absalom dy moghey, as hass eh ayns giat ny cooyrtey: as shoh myr ve, tra haink dooinney erbee va shuit-leigh echey gys y ree son briwnys, eisht dy deïe Absalom er, as dooyrt eh, Cre’n ard-valley t’ou uss jeh? As dooyrt eh, Ta dty harvaant fer jeh lheid y tribe shen ayns Israel.

2 Samuel 18:17

As ghow ad Absalom, as hilg ad eh ayns ooig dowin ’sy cheyll, as hrog ad cayrn mooar dy chlaghyn harrish: as chossyn ooilley Israel dagh unnane gys e chabbane.

2 Samuel 18:24

As hoie David eddyr y daa yiat: as hie’n arreyder seose gys mullagh y toor, t’er y voalley erskyn y yiat, as hrog eh seose e hooillyn, as yeeagh eh, as cur-my-ner, dooinney roïe ny-lomarcan.

2 Samuel 18:4

As dooyrt y ree roo, Cre share s’taittin lhieu shen nee’m. As hass y ree rish lhiattee’n yiat, as haink ooilley’n pobble magh, my cheeadyn, as my housaneyn.

2 Samuel 19:3

As ren y pobble sheeley ersooyl voish er y laa shen gys yn ard-valley, myr sleih dy naareydagh geid ersooyl tra t’ad chea veih’n chaggey.

1 Reeaghyn 22:36

As hie magh eam trooid y magher-caggee mysh lhie ny greiney, gra, Dy chooilley ghooinney gys e ard-valley hene, as dy chooilley ghooinney gys e heer hene.

2 Reeaghyn 14:12

As hooar Judah yn chooid smessey veih Israel; as ren dy chooilley ghooinney chea gys e chabbane.

2 Reeaghyn 8:21

Er shoh hie Joram harrish gys Zair, as ooilley ny fainee mârish: as hrog eh er ’syn oie, as woaill eh ny Edomiteyn ren cruinnaghey mygeayrt eh-hene: as ren captanyn ny fainee, as ren pobble Edom, chea gys ny cabbaneyn oc.

1 Samuel 4:10

As huitt ny Philistinee orroo; as va Israel er nyn mwoalley, as chossyn dy chooilley ghooinney gys e chummal hene; as va cragh feer vooar ny-vud oc, son huitt jeih thousaneyn as feed jeh coshee Israel.