2 Samuel 19:22 - Yn Vible Casherick 1775 1819

²² As dooyrt David, Cre t’enish dy yannoo rhym’s ’sy chooish shoh, shiuish vec Zeruiah, dy ve wheesh m’oï er y laa shoh? Bee dooinney erbee er ny choyrt gy-baase er y laa jiu ayns Israel? son nagh vel fys aym dy vel mee nish my ree harrish Israel?

2 Samuel 19:22 ပူးပေါင်းရင်းမြစ်များ

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

2 Samuel 16:5

As tra va ree David er jeet gys Bahurim, cur-my-ner, haink magh veih dooinney jeh kynney Saul, va’n ennym echey Shimei, mac Gera: haink eh magh, as gweeaghyn kinjagh myr haink eh.

2 Samuel 16:9

Eisht dooyrt Abishai mac Zeruiah rish y ree, Cre’n-fa ghoghe yn moddey custey shoh er dy ghweeaghyn da my hiarn y ree? lhig dou goll noon, ta mee guee ort, as giarey’n kione jeh.

2 Samuel 3:39

As ta mish nish faase, ga dy vel mee my ree ooilit; as ta ny deiney shoh mec Zeruiah ro chreoi er my hon: nee’n Chiarn y drogh-yantagh y chooilleeney cordail rish e olkys.

Isaiah 16:5

As ayns myghin vees yn stoyl-reeoil er ny hickyraghey, as ayns ynrickys nee eh soie er ayns cabbane-agglish Ghavid, briwnys, as shirrey briwnys, as cur cairys er y hoshiaght.

Noo Mian 8:29

As cur-my-ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey roish y traa?

1 Samuel 11:13

As dooyrt Saul, Cha bee dooinney er ny choyrt gy-baase y laa shoh: son jiu ta’n Chiarn er n’obbraghey livrey-ys mooar da Israel.

1 Samuel 26:11

Ny lhig y Chiarn dy jinnin’s my laue y heeyney magh noi ree ooilit y Chiarn: agh nish, ta mee guee ort, gow uss yn shleiy t’ec e chione, as y saagh ushtey; as lhig dooin goll roïn.

1 Samuel 26:8

Eisht dooyrt Abishai rish David, Ta Jee er livrey dty noid gys dty laue yn laa shoh: nish er-y-fa shen lhig dou eh y woalley, ta mee guee ort, lesh y shleiy, eer gys y thalloo ec builley, as cha der-ym da y nah vuilley.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?