2 Samuel 19:14 - Yn Vible Casherick 1775 1819

¹⁴ As hyndaa eh cree ooilley deiney Yudah, myr cree un dooinney; myr shen dy dug ad y chaghteraght shoh gys y ree, Tar hooin reesht oo-hene, as ooilley dty harvaantyn.

2 Samuel 19:14 ပူးပေါင်းရင်းမြစ်များ

2 Samuel 17:25

As ren Absalom Amasa ny ard-chaptan y cheshaght ayns ynnyd Yoab: va’n Amasa cheddin mac da dooinney va’n ennym echey Ithra, [nish] Israelite, va er phoosey Abigail inneen Nahash, shuyr Zeruiah, moir Yoab.

2 Samuel 20:4

Eisht dooyrt y ree rish Amasa, Tayrn cooidjagh hym’s deiney Yudah cheu-sthie jeh three laa, as bee uss oo-hene ayns shoh kionfenish mâroo.

2 Samuel 22:44

Veih anvea my phobble t’ou myrgeddin er my livrey, t’ou er my reayll dy ve kione ny ashoonyn: nee pobble nagh nione dou mish y hirveish.

2 Samuel 3:9

Dy jean Jee myr shen rish Abner as ny smoo neesht, mannagh jean-yms son David, myr ta’n Chiarn er vreearrey da;

2 Samuel 5:1

Eisht haink ooilley tribeyn Israel gys David ec Hebron, as dooyrt ad, Cur-my-ner, ta shinyn dty chraue as dt’eill.

Jannoo 4:32

As va’n earroo jeusyn ren credjal jeh’n un chree as yn un annym; chamoo dooyrt fer jeu, dy by-liesh hene va nhee erbee jeh e chooid-seihlt, agh va dy chooilley nhee oc ayns co-pharteeas cadjin.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.