2 Samuel 19:13 - Yn Vible Casherick 1775 1819

¹³ As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 19:13 ပူးပေါင်းရင်းမြစ်များ

Genesis 29:14

As dooyrt Laban rish, Son shickyrys, t’ou my chraue as my eill: as duirree eh mârish mee dy hraa.

2 Samuel 17:25

As ren Absalom Amasa ny ard-chaptan y cheshaght ayns ynnyd Yoab: va’n Amasa cheddin mac da dooinney va’n ennym echey Ithra, [nish] Israelite, va er phoosey Abigail inneen Nahash, shuyr Zeruiah, moir Yoab.

2 Samuel 18:11

As dooyrt Joab rish y dooinney dinsh da, As cur-my-ner, tra honnick oo eh, cre’n-fa eisht nagh woaill oo eh ayns shen gys y thalloo? as va mish er choyrt dhyt jeih shekelyn dy argid as cryss-caggee.

2 Samuel 20:4

Eisht dooyrt y ree rish Amasa, Tayrn cooidjagh hym’s deiney Yudah cheu-sthie jeh three laa, as bee uss oo-hene ayns shoh kionfenish mâroo.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

2 Samuel 5:1

Eisht haink ooilley tribeyn Israel gys David ec Hebron, as dooyrt ad, Cur-my-ner, ta shinyn dty chraue as dt’eill.

2 Samuel 8:16

As va Joab mac Zeruiah harrish y cheshaght-chaggee; as va Jehoshaphat mac Ahilud ard-chleragh ny lioaryn;

1 Reeaghyn 19:2

Eisht hug Jezebel chaghter gys Elijah, gra, Shen myr lhig da ny jeeghyn jannoo rhym’s, as ny smoo na shen, mannagh der-yms er dty vioys dy ve myr bioys unnane jeusyn, mysh y traa shoh mairagh.

1 Recortyssyn 12:18

Eisht haink y spyrryd er Amasa, va’n ard-er jeh ny captanyn, as dooyrt eh; Lhiat’s ta shin, Ghavid, as er y cheu ayd’s, uss vac Yesse; shee, shee dy row hood, as shee gys dty ir-choonee; son ta dty Yee cooney lhiat. Eisht ren David goaill roo, as ren eh ad captanyn ’sy cheshaght.

Ruth 1:17

Raad yioys [oo] baase, yioyms baase, as shen y raad bee’m oanluckit: shoh as ny smoo dy der y Chiarn orrym, my nee veg agh y baase scarrey uss as mish.