2 Samuel 19:11 - Yn Vible Casherick 1775 1819

¹¹ As hug David fys gys Zadok as gys Abiathar ny saggyrtyn, gra, Loayr-jee rish shanstyr Yudah, gra, Kys te dy vel shiuish cha liastey ayns coyrt lhieu back y ree gys e hie? (fakin dy vel glare ooilley Israel er jeet gys y ree, eer gys e hie.)

2 Samuel 19:11 ပူးပေါင်းရင်းမြစ်များ

2 Samuel 15:29

Shen-y-fa hug Zadok as Abiathar lhieu arg Yee reesht gys Jerusalem; as duirree ad ayns shen.

2 Samuel 18:14

Eisht dooyrt Joab, Cha nee red dooys my hraa y choayl myr shoh mayrt’s. As ghow eh three shleiyghyn ayns e laue, as roie eh ad trooid cree Absalom, choud’s v’eh foast bio ayns mean y villey.

2 Samuel 18:15

As haink jeih deiney aegey, armyderyn Yoab, mygeayrt-y-mysh, as woaill ad Absalom, as varr ad eh.

2 Samuel 19:10

As Absalom, ren shin y ooilaghey harrin, t’eh marroo ’sy chaggey: nish er-y-fa shen, kys te nagh vel shiu loayrt fockle mychione coyrt lhieu back y ree?

2 Samuel 19:41

As cur-my-ner, haink ooilley deiney Israel gys y ree, as dooyrt ad rish y ree, Cre’n-fa ta nyn mraaraghyn, deiney Yudah, er gheid oo ersooyl, as er choyrt lhieu yn ree, as lught e hie, as ooilley deiney Ghavid mârish, harrish Jordan?

1 Reeaghyn 2:35

As hug y ree Benaiah mac Jehoiada ny ynnyd harrish yn armee; as Zadok yn saggyrt hug y ree ayns ynnyd Abiathar.

Noo Mian 5:16

Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee-jee coardit rish Jee.

2 Thessalonianee 3:9

Cha nee son nagh vel pooar ain, agh dy yannoo shin hene sampleyr diuish dy eiyrt orrin.