2 Samuel 19:10 - Yn Vible Casherick 1775 1819

¹⁰ As Absalom, ren shin y ooilaghey harrin, t’eh marroo ’sy chaggey: nish er-y-fa shen, kys te nagh vel shiu loayrt fockle mychione coyrt lhieu back y ree?

2 Samuel 19:10 ပူးပေါင်းရင်းမြစ်များ

2 Samuel 15:14

As dooyrt David rish ooilley e harvaantyn va mârish ec Jerusalem, Irree-jee, as lhig dooin cosney ersooyl; er-nonney cha jean mayd scapail veih Absalom: lhig dooin siyr ’yannoo dy gholl roïn, er-aggle dy jig eh orrin doaltattym, as cragh y choyrt orrin, as dy bwoaill eh yn ard-valley lesh foyr y chliwe.

2 Samuel 15:16

As hie’n ree magh, as ooilley e vooinjer mârish: as daag y ree jeih mraane, e cho-lhiabbee, dy reaylley’n thie.

2 Samuel 18:14

Eisht dooyrt Joab, Cha nee red dooys my hraa y choayl myr shoh mayrt’s. As ghow eh three shleiyghyn ayns e laue, as roie eh ad trooid cree Absalom, choud’s v’eh foast bio ayns mean y villey.

2 Samuel 19:11

As hug David fys gys Zadok as gys Abiathar ny saggyrtyn, gra, Loayr-jee rish shanstyr Yudah, gra, Kys te dy vel shiuish cha liastey ayns coyrt lhieu back y ree gys e hie? (fakin dy vel glare ooilley Israel er jeet gys y ree, eer gys e hie.)

2 Samuel 19:40

Eisht hie’n ree er e hoshiaght gys Gilgal, as Chimham mârish; as va ooilley pobble Yudah goll marish y ree, as myrgeddin lieh jeh pobble Israel.

2 Samuel 19:9

As va anvea mastey ooilley’n pobble, trooid ooilley tribeyn Israel, gra, Haue y ree shin ass laue nyn noidyn, as livrey eh shin ass laue ny Philistinee; as nish t’eh er roie’n cheer kyndagh rish Absalom.

Hosea 8:4

T’ad er hoiaghey seose reeaghyn, agh cha nee liorym’s: t’ad er n’yannoo princeyn, agh noi my aigney’s: jeh nyn argid as nyn airh t’ad er n’yannoo jallooyn daue hene, dy choyrt ad-hene mow.

Briwnyn 18:9

As dooyrt ad, Trog-jee erriu, lhig dooin goll seose noi oc: son ta shin er vakin y cheer, as cur-my-ner, te feer vie; as vel shiuish nyn daaue? ny bee-jee liastagh dy gholl, as dy ghoaill dooin hene y cheer.