2 Samuel 19:1 - Yn Vible Casherick 1775 1819

¹ As ve inshit da Joab, Cur-my-ner, ta’n ree keayney as dobberan son Absalom.

2 Samuel 19:1 ပူးပေါင်းရင်းမြစ်များ

Genesis 37:35

As dirree ooilley e vec, as ooilley e inneenyn dy gherjaghey eh; agh dob eh dy ve er ny gherjaghey: as dooyrt eh; Son hem’s sheese ’syn oaie gys my vac, lesh trimshey. Shoh myr ren e ayr dobberan er e hon.

2 Samuel 18:12

As dooyrt y dooinney rish Joab, Ga dy jinnagh oo dou thousane shekel argid ayns my laue, ny-yeih cha jinnin’s my laue y heeyney magh noi mac y ree: son ayns y chlashtyn aym pene, hug y ree uss, as Abishai, as Ittai, fo harey, gra, Jeeagh-jee nagh der unnane eu laue er y dooinney aeg Absalom.

2 Samuel 18:14

Eisht dooyrt Joab, Cha nee red dooys my hraa y choayl myr shoh mayrt’s. As ghow eh three shleiyghyn ayns e laue, as roie eh ad trooid cree Absalom, choud’s v’eh foast bio ayns mean y villey.

2 Samuel 18:20

As dooyrt Joab rish, Cha der oo lhiat y naight jiu, agh hed oo lesh keayrt ennagh elley; agh jiu cha jed oo lesh naight erbee, er-yn-oyr dy vel mac y ree marroo.

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

2 Samuel 18:5

As hug y ree currym er Joab, as Abishai, as Ittai, gra, Jean-jee dellal dy meeley er my ghraih’s rish y dooinney aeg, eer rish Absalom. As cheayll ooilley’n pobble, tra hug y ree currym da ooilley ny captanyn, mychione Absalom.

2 Samuel 19:2

As va’n varriaght er y laa shen er ny hyndaa gys trimshey da ooilley’n pobble: son cheayll ad er y laa shen kys va’n ree seaghnit son e vac.

Raaghyn Creeney 17:25

Ta mac neu-chreeney trimshey da e ayr, as sherriuid jeeish dymmyrk eh.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.