2 Samuel 18:9 - Yn Vible Casherick 1775 1819

⁹ As haink Absalom raad sharvaantyn Ghavid: as varkee Absalom er mule, as hie’n mule fo banganyn choo billey mooar darragh, as va e chione goit ’sy villey, as v’eh croghey eddyr yn aer as y thalloo, as y mule v’eh dy varkiagh jimmee eh roish.

2 Samuel 18:9 ပူးပေါင်းရင်းမြစ်များ

2 Samuel 13:29

As ren sharvaantyn Absalom rish Amnon myr va Absalom er harey ad. Eisht hrog ooilley mec y ree orroo, as varkee dy chooilley ghooinney e vule, as chossyn ad roue.

2 Samuel 14:26

As tra yiare eh folt e ching, (son ec kione dagh bleïn, son dy row eh trome er, shen-y-fa ghow eh jeh eh,) howse eh folt e ching ec daa cheead shekel, lurg towse y ree.

2 Samuel 17:23

As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

2 Samuel 18:10

As honnick dooinney dy row eh, as dinsh eh da Joab, as dooyrt eh, Cur-my-ner, honnick mish Absalom croghey ayns billey-darragh.

2 Samuel 18:14

Eisht dooyrt Joab, Cha nee red dooys my hraa y choayl myr shoh mayrt’s. As ghow eh three shleiyghyn ayns e laue, as roie eh ad trooid cree Absalom, choud’s v’eh foast bio ayns mean y villey.

2 Samuel 18:8

Son ren y caggey skeayley harrish eaghtyr ooilley’n cheer: as ren y cheyll stroie ny smoo jeh’n pobble er y laa shen na ren y cliwe.

Lioar Yob 31:3

Nagh vel toyrt-mow cour ny mee-chrauee? as kerraghey atchimagh kiarit dauesyn ta cur-rish mee-chairys?

Raaghyn Creeney 20:20

Quoi-erbee ghwee-ys mollaght da e ayr, ny e voir: bee’n lamp echeysyn er ny vooghey ayns y dooid dy ghorraghys.

Raaghyn Creeney 30:17

Yn sooill ta craidey mysh e ayr, as ta gobbal biallys da e voir, nee fiee ny glionney spolgey ass eh; as nee ny urlee aegey gee eh.

Jeremiah 48:44

Eshyn chea-ys veih yn aggle, tuittee eh ’syn oaie; as eshyn scaapys yn oaie, bee eh goit ’sy ribbey: son ver-yms lhiam er, eer er Moab, bleïn yn cherraghey oc, ta’n Chiarn dy ghra.

Noo Mian 27:5

As hilg eh sheese ny peeshyn argid ayns y chiamble, as jimmee eh roish, as hie eh as ren eh eh-hene y chroghey.

Noo Mark 7:10

Son ta Moses er ghra, Cur arrym da dty ayr as da dty voir: as, Eshyn ta gweeaghyn da ayr ny moir, lhig da ve deyrit gy-baase.

Galatianee 3:13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

Deuteronomy 21:23

Cha n’aag oo e chorp fud-ny-hoie er y villey, agh nee oo, son shickyrys, eh y oanluckey yn laa cheddin (son t’eshyn t’er ny chroghey fo mollaght veih Jee) nagh bee dty heer fo loght, ta’n Chiarn dty Yee coyrt dhyt son eiraght.

Deuteronomy 27:16

Cursit t’eshyn, ta soiaghey beg jeh e ayr as e voir: as jir ooilley’n pobble, Amen.

Deuteronomy 27:20

Cursit t’eshyn, ta lhie marish ben e ayrey; son dy vel eh er roostey slheeayst e ayrey: as jir ooilley’n pobble, Amen.