2 Samuel 18:8 - Yn Vible Casherick 1775 1819

⁸ Son ren y caggey skeayley harrish eaghtyr ooilley’n cheer: as ren y cheyll stroie ny smoo jeh’n pobble er y laa shen na ren y cliwe.

2 Samuel 18:8 ပူးပေါင်းရင်းမြစ်များ

2 Samuel 18:7

Raad va pobble Israel er ny yiarey sheese roish deiney Ghavid, as slaughter mooar er y laa shen jeh feed thousane dooinney.

2 Samuel 18:9

As haink Absalom raad sharvaantyn Ghavid: as varkee Absalom er mule, as hie’n mule fo banganyn choo billey mooar darragh, as va e chione goit ’sy villey, as v’eh croghey eddyr yn aer as y thalloo, as y mule v’eh dy varkiagh jimmee eh roish.

1 Reeaghyn 20:30

Agh chossyn yn chooid elley jeu gys Aphek, yn ard-valley; as ayns shen huitt voalley er shiaght thousaneyn as feed jeh ny deiney va er-mayrn. As chossyn Ben-hadad roish, as haink eh gys yn ard-valley gys y chiamyr s’follit.

Psalmyn 3:7

Seose, Hiarn, as cooin lhiam, O my Yee: son t’ou bwoalley ooilley my noidyn er craue ny keeill; t’ou er vrishey feeacklyn ny mee-chrauee.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Exodus 15:10

Lesh dty gheay ren oo sheidey; ren y faarkey nyn goodaghey: ren ad sinkeil myr leoaie ayns ny ushtaghyn stermagh.

Raaghyn Creeney 24:21

My vac, bee uss ayns aggle y Chiarn, as y ree: as ny bee veg ayd dy yannoo roosyn ta shirrey caghlaa.

Raaghyn Creeney 24:22

Son nee ny seaghyn oc cheet orroo doaltattym, as quoi ec ta fys, cre cha leah hig y drogh-yerrey orroo ny-neesht!

Joshua 10:11

As haink eh gy-kione, myr v’ad chea roish Israel, as goll sheese lesh Beth-horon, dy ren y Chiarn claghyn mooarey y hilgey neose orroo veih niau derrey Azekah, as varr eh ad: va ny smoo stroit lesh ny claghyn-sniaghtee ny va lesh cliwe cloan Israel.