2 Samuel 18:3 - Yn Vible Casherick 1775 1819

³ Agh dreggyr y pobble, Cha jed uss magh; son my ver shinyn cooyl, cha jean ad scansh j’inyn; chamoo my vees y derrey lieh j’inyn giarit jeh vees soiaghey jeant j’in: agh nish sheeagh uss jeih thousaneyn j’inyn: shen-y-fa nish, te ny share uss dy choyrt cooney magh hooin ass yn ard-valley.

2 Samuel 18:3 ပူးပေါင်းရင်းမြစ်များ

2 Samuel 10:11

As dooyrt eh, My ta ny Syrianee ro lajer er my hon, eisht nee uss cooney lhiam’s; agh my ta cloan Ammon ro lajer er dty hon’s, eisht hig-yms as cooin-ym lhiat’s.

2 Samuel 17:2

As hig-yms er, choud as t’eh deinagh as faase-lauee, as hig-ym er doaltattym: as nee ooilley’n pobble treigeil eh; as bwoaill-ym y ree ny-lomarcan.

2 Samuel 21:17

Agh haink Abishai mac Zeruiah gys e chooney, as woaill eh yn Philistine, as varr eh eh. Eisht loo deiney Ghavid da, gra, Cha jed oo magh arragh mârin gys y chaggey, er-aggle dy bee soilshey Israel er ny vooghey.

1 Reeaghyn 22:31

Agh hug ree Syria sarey da e ghaa chaptan jeig as feed, va reill harrish ny fainee, gra, Ny jean-jee caggey rish beg ny mooar, agh ynrycan rish ree Israel.

Dobberan 4:20

Va ree ooilit y Chiarn, ennal nyn mioys, goit ayns ny ribbaghyn oc, my-e-chione dooyrt shin, Nee mayd cummal fo yn scadoo echey mastey ny ashoonyn.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

1 Samuel 18:7

As dreggyr ny mraane yn derrey yeh yn jeh elley myr v’ad cloie, as dooyrt ad, Ta Saul er varroo e housaneyn, as David e yeih thousaneyn.