2 Samuel 18:29 - Yn Vible Casherick 1775 1819

²⁹ As dooyrt y ree, Vel y dooinney aeg Absalom sauchey? As dreggyr Ahimaaz, Tra hug Joab ersooyl eh shoh sharvaant y ree, as mish dty harvaant, ghow mee tastey dy row argane mooar ny-vud oc, agh cha row fys aym cre mysh ve.

2 Samuel 18:29 ပူးပေါင်းရင်းမြစ်များ

2 Samuel 18:22

Eisht dooyrt Ahimaaz mac Zadok, reesht rish Joab, Agh ny-yeih, lhig dooys, ta mee guee ort, myrgeddin roie geiyrt er Cushi. As dooyrt Joab, Cre’n-fa roie-ys oo, my vac, fakin nagh vel naight erbee sodjey ayd?

2 Samuel 18:30

As dooyrt y ree rish, Chyndaa dy lhiattee, as shass ayns shoh. As hyndaa eh dy lhiattee, as hass eh er y derrey heu.

2 Samuel 18:32

As dooyrt y ree rish Cushi, Vel y dooinney aeg Absalom sauchey? As dreggyr Cushi, Dy row noidyn my hiarn y ree, as ooilley ny ta girree seose dt’oï dy yannoo aggair dhyt, myr ta’n dooinney aeg shen.

2 Samuel 20:9

As dooyrt Joab rish Amasa, Vel oo ayns slaynt, my vraar? As ghow Joab Amasa er e aasaag lesh e laue yesh dy choyrt paag da.

2 Reeaghyn 4:26

Roie nish, ta mee guee ort, ny quail; as abbyr r’ee, Vel eh dy mie mayrt? vel dty heshey dy mie? vel dty lhiannoo dy mie? As dreggyr ee, Myr shen.