2 Samuel 18:27 - Yn Vible Casherick 1775 1819

²⁷ As dooyrt yn arreyder, Er-lhiam dy vel kesmad y fer toshee goll-rish kesmad Ahimaaz mac Zadok. As dooyrt y ree, T’eh shen ny ghooinney mie, as cheet lesh naightyn mie.

2 Samuel 18:27 ပူးပေါင်းရင်းမြစ်များ

2 Samuel 18:26

As honnick yn arreyder dooinney elley roie, as deïe’n arreyder gys y phorter, as dooyrt eh, Cur-my-ner, dooinney elley roie ny-lomarcan. As dooyrt y ree, T’eshyn myrgeddin cur lesh naightyn sodjey.

1 Reeaghyn 1:42

As choud as v’eh foast loayrt, cur-my-ner, haink Jonathan mac Abiathar yn saggyrt, as dooyrt Adonijah rish, Tar stiagh, son t’ou uss dty ghooinney dunnal, as cur lhiat naightyn mie.

2 Reeaghyn 9:20

As dinsh yn arreyder, gra, Haink eh eer seose huc, as cha vel eh cheet reesht: as ta’n imman echey goll-rish imman Jehu mac Nimshi; son t’eh gimman er-finnue.

Raaghyn Creeney 25:13

Myr feayraght sniaghtee ayns chiass yn ouyr, myr shen ta chaghter treishteilagh dauesyn ta dy choyrt eh; son t’eh dy ooraghey annym e vainshteryn.

Raaghyn Creeney 25:25

Myr ushtey feayr da dooinney paagh; myr shen ta naight mie veih cheer foddey.

Isaiah 52:7

Cre cha aalin er ny sleityn ta ny cassyn echeysyn ta coyrt lesh naightyn bannee [yn tushtal], ta preacheil shee, ta coyrt lesh naightyn eunyssagh dy nheeghyn mie, ta fockley-magh saualtys, ta gra rish Zion, Ta dty Yee reill!

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!