2 Samuel 18:20 - Yn Vible Casherick 1775 1819

²⁰ As dooyrt Joab rish, Cha der oo lhiat y naight jiu, agh hed oo lesh keayrt ennagh elley; agh jiu cha jed oo lesh naight erbee, er-yn-oyr dy vel mac y ree marroo.

2 Samuel 18:20 ပူးပေါင်းရင်းမြစ်များ

2 Samuel 18:19

Eisht dooyrt Ahimaaz mac Zadok, Lhig dou nish roie dy choyrt lhiam y skeeal gys y ree, kys ta’n Chiarn er n’ghoaill cooilleen er e noidyn.

2 Samuel 18:21

Eisht dooyrt Joab rish Cushi, Immee uss, as insh da’n ree ny t’ou er vakin. As ren Cushi biallys da Joab, as roie eh.

2 Samuel 18:27

As dooyrt yn arreyder, Er-lhiam dy vel kesmad y fer toshee goll-rish kesmad Ahimaaz mac Zadok. As dooyrt y ree, T’eh shen ny ghooinney mie, as cheet lesh naightyn mie.

2 Samuel 18:29

As dooyrt y ree, Vel y dooinney aeg Absalom sauchey? As dreggyr Ahimaaz, Tra hug Joab ersooyl eh shoh sharvaant y ree, as mish dty harvaant, ghow mee tastey dy row argane mooar ny-vud oc, agh cha row fys aym cre mysh ve.

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

2 Samuel 18:5

As hug y ree currym er Joab, as Abishai, as Ittai, gra, Jean-jee dellal dy meeley er my ghraih’s rish y dooinney aeg, eer rish Absalom. As cheayll ooilley’n pobble, tra hug y ree currym da ooilley ny captanyn, mychione Absalom.

2 Samuel 19:1

As ve inshit da Joab, Cur-my-ner, ta’n ree keayney as dobberan son Absalom.