2 Samuel 18:2 - Yn Vible Casherick 1775 1819

² As hug David magh yn trass ayrn jeh’n pobble fo laue Yoab, as trass ayrn fo laue Abishai mac Zeruiah, braar Yoab, as trass ayrn fo laue Ittai yn Gittite. As dooyrt y ree rish y pobble, Hem’s son shickyrys magh mêriu mee-hene.

2 Samuel 18:2 ပူးပေါင်းရင်းမြစ်များ

2 Samuel 17:11

Shen-y-fa my choyrle’s eh, dy bee ooilley Israel er nyn jaglym hood’s, veih Dan eer gys Beer-sheba, myr y gheinnagh ta rish oirr ny marrey ayns earroo, as dy jed oo-hene gys y chaggey ec y chione oc.

2 Samuel 21:17

Agh haink Abishai mac Zeruiah gys e chooney, as woaill eh yn Philistine, as varr eh eh. Eisht loo deiney Ghavid da, gra, Cha jed oo magh arragh mârin gys y chaggey, er-aggle dy bee soilshey Israel er ny vooghey.

2 Samuel 23:18

As va Abishai, braar Yoab, mac Zeruiah, yn ard-er mastey three; as hrog eh seose e shleiy noi three cheead, as varr eh ad, as va goo echey mastey’n three shoh.

2 Samuel 8:16

As va Joab mac Zeruiah harrish y cheshaght-chaggee; as va Jehoshaphat mac Ahilud ard-chleragh ny lioaryn;

1 Reeaghyn 2:28

Eisht haink skeeal gys Joab: (son va Joab er hassoo lesh Adonijah, ga nagh ghow eh paart lesh Absalom:) as hie Joab er-chea gys cabbane-agglish yn Chiarn, as ghow eh greme er eairkyn yn altar.

Psalmyn 3:6

Cha goym’s aggle roish jeih millaghyn jeh’n sleih: ta er n’irree-magh m’oï er dy chooilley heu.

Briwnyn 7:16

As rheynn eh ny three cheead dooinney ayns three sheshaghtyn, as hug eh trumpet ayns laue dagh dooinney, marish crockanyn follym as lampyn cheu-sthie jeh ny crockanyn.

Briwnyn 7:19

Myr shen haink Gideon as ny keead dooinney va marish gys cheu-mooie jeh’n champ, ayns toshiaght watch y vean-oie; as ad nish er hoiaghey yn gard: as heid ad ny trumpetyn, as vrish ad ny crockanyn, va ayns nyn laueyn.

Briwnyn 9:43

As ghow eh yn pobble, as rheynn eh ad ayns three sheshaghtyn, as lhie eh farkiagh ayns y vagher, as yeeagh eh, as cur-my-ner, va’n pobble er jeet magh ass yn ard-valley; as dirree eh nyn ’oï, as woaill eh ad.

1 Samuel 11:11

As er laa-ny-vairagh rheynn Saul y pobble ayns three sheshaghtyn; as vrish ad stiagh ayns mean yn cheshaght-chaggee ec arrey yn voghrey, as varr ad ny Ammoniteyn derrey chiass y laa: as haink eh gy-kione, dy row adsyn va er-mayrn er nyn skeayley, myr shen nagh row jees jeu faagit cooidjagh.