2 Samuel 18:19 - Yn Vible Casherick 1775 1819

¹⁹ Eisht dooyrt Ahimaaz mac Zadok, Lhig dou nish roie dy choyrt lhiam y skeeal gys y ree, kys ta’n Chiarn er n’ghoaill cooilleen er e noidyn.

2 Samuel 18:19 ပူးပေါင်းရင်းမြစ်များ

2 Samuel 15:27

Dooyrt y ree myrgeddin rish Zadok yn saggyrt, Nagh nee fakyder oo? chyndaa gys yn ard-valley ayns shee, as nyn mec mêriu, Ahimaaz dty vac, as Jonathan mac Abiathar.

2 Samuel 15:36

Cur-my-ner, t’oc ayns shen mâroo yn daa vac oc, Ahimaaz mac Zadok, as Jonathan mac Abiathar; as lioroosyn ver shiu fys hym’s jeh dy chooilley nhee chlinnys shiu.

2 Samuel 17:17

Nish duirree Jonathan as Ahimaaz er-gerrey da Enrogel, (son cha jinnagh eh mie daue ve ry-akin dy heet stiagh ’syn ard-valley). As hie ben aeg, as dinsh ee daue; as hie adsyn, as dinsh ad da ree David.

2 Samuel 18:20

As dooyrt Joab rish, Cha der oo lhiat y naight jiu, agh hed oo lesh keayrt ennagh elley; agh jiu cha jed oo lesh naight erbee, er-yn-oyr dy vel mac y ree marroo.

2 Samuel 18:23

Agh ny-yeih, (as eshyn,) lhig dou roie. As dooyrt eh rish, Roie royd: eisht ghow Ahimaaz yn aa-gherrit raad y thalloo-rea, as chossyn eh er Cushi.

2 Samuel 18:31

As cur-my-ner, haink Cushi, as dooyrt Cushi, Naightyn, my hiarn y ree: son ta’n Chiarn er choyrt cooilleeney dhyt er y laa shoh orroosyn ooilley dirree seose dt’oï.

Psalmyn 10:14

Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Psalmyn 10:18

Ta’n Chiarn ny Ree son dy bragh as dy bragh: as ta ny ashoonyn er jerraghtyn ass y cheer.

Psalmyn 7:6

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Psalmyn 9:4

Son t’ou er vendeil my chairys as my chooish: t’ou dty hoie er stoyl-reeoil dy vriwnys cairagh.

Jeremiah 51:31

Roie-ys post quail post, as chaghter quail chaghter, lesh naight gys ree Vabylon, dy vel yn ard-valley echey goit ec y derrey chione,

Romanee 12:19

Chaarjyn ghraihagh, ny gow-jee cooilleen ec nyn laue hene, agh ny sleaie lhig-jee lesh corree: son te scruit, Lhiam’s kerraghey; mish nee cooilleeney, ta’n Chiarn dy ghra.