2 Samuel 18:18 - Yn Vible Casherick 1775 1819

¹⁸ Nish va Absalom ayns earish e vea er hroggal seose da hene pillar, t’ayns coan y ree: son dooyrt eh, Cha vel mac aym dy reayll m’ennym ayns cooinaghtyn: as denmys eh yn pillar lurg e ennym hene, as te enmyssit gys y laa t’ayn jiu, Cayrn Absalom.

2 Samuel 18:18 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Genesis 11:9

Shen-y-fa te enmyssit Babel, er-yn-oyr dy nee ayns shen hug y Chiarn shaghrynys er glare ooilley yn seihll: as veih shen ren y Chiarn ad y skeayley harrish slane eaghtyr y thallooin.

Genesis 14:17

As hie ree Sodom magh ny whail (myr v’eh chyndaa veih cragh Chedorlaomer, as ny reeaghyn va mârish) ’sy choan Shaveh, ta shen, coan y ree.

2 Samuel 14:27

As da Absalom va ruggit three mec, as un inneen, va’n ennym eck Tamar; ben jeh eddin aalin.

Psalmyn 109:13

Bee olkys ny ayraghyn echey er ny reayll ayns cooinaghtyn ayns shilley’n Chiarn: as cha bee peccah e voir er ny cheiltyn.

Psalmyn 49:11

As foast t’ad sheiltyn dy jean ny thieyn oc farraghtyn son dy bragh: as dy bee ny ynnydyn-vaghee oc er-mayrn veih sheeloghe gys sheeloghe; as t’ad genmys ny baljyn oc lurg nyn ennym hene.

Isaiah 22:16

Cre t’ayd’s ayns shoh? as cre’n caardys t’ayd ayns shoh, dy vel oo ayns shoh er chleiy dhyt hene oaie, myr eshyn ta cleiy da hene lhiaght moyrnagh, as ta giarey ynnyd oanluckee da hene ayns y chreg?

Jeremiah 22:30

Myr shoh ta’n Chiarn dy ghra, scrieu-jee sheese yn dooinney shoh gyn sluight, dooinney nagh jean bishaghey ayns e laghyn: son cha jean fer hene jeh e luight bishaghey, dy hoie er stoyl-reeoil Ghavid, ny dy reill arragh ayns Judah.

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Earrooyn 32:42

As hie Nobah, as ghow eh Kenath as ny baljyn-cheerey v’ayn, as denmys eh eh Nobah, lurg e ennym hene.

1 Samuel 15:12

As tra dirree Samuel dy moghey dy veeiteil Saul, ve inshit da Samuel, gra, Haink Saul gys Carmel, as cur-my-ner, t’eh er hroggal altar, as er n’gholl er e hoshiaght mygeayrt, as sheese gys Gilgal.