2 Samuel 18:14 - Yn Vible Casherick 1775 1819

¹⁴ Eisht dooyrt Joab, Cha nee red dooys my hraa y choayl myr shoh mayrt’s. As ghow eh three shleiyghyn ayns e laue, as roie eh ad trooid cree Absalom, choud’s v’eh foast bio ayns mean y villey.

2 Samuel 18:14 ပူးပေါင်းရင်းမြစ်များ

2 Samuel 12:10

Son yn oyr shoh, lhiannys y cliwe dy bragh gys dty hie; er-y-fa dy vel oo er hoiaghey beg jeem’s, as er n’ghoaill ben Uriah yn Hittite dy ve son ben dhyt hene.

2 Samuel 14:30

Shen-y-fa dooyrt eh rish e harvaantyn, Jeeagh-jee, ta magher ec Joab er-gerrey da’n magher aym’s, as ta oarn echey ayn; immee-jee, as cur-jee aile ayn. As ren sharvaantyn Absalom soiaghey’n magher er aile.

2 Samuel 18:15

As haink jeih deiney aegey, armyderyn Yoab, mygeayrt-y-mysh, as woaill ad Absalom, as varr ad eh.

2 Samuel 18:5

As hug y ree currym er Joab, as Abishai, as Ittai, gra, Jean-jee dellal dy meeley er my ghraih’s rish y dooinney aeg, eer rish Absalom. As cheayll ooilley’n pobble, tra hug y ree currym da ooilley ny captanyn, mychione Absalom.

2 Samuel 19:1

As ve inshit da Joab, Cur-my-ner, ta’n ree keayney as dobberan son Absalom.

2 Samuel 19:11

As hug David fys gys Zadok as gys Abiathar ny saggyrtyn, gra, Loayr-jee rish shanstyr Yudah, gra, Kys te dy vel shiuish cha liastey ayns coyrt lhieu back y ree gys e hie? (fakin dy vel glare ooilley Israel er jeet gys y ree, eer gys e hie.)

Lioar Yob 20:5

Nagh vel mooaralys ny mee-chrauee agh giare, as nagh vel boggey yn chrauee-oalsey agh son shallid?

Psalmyn 37:35

Treisht uss ayns y Chiarn, as freill yn raad echey, as nee eh uss y vishaghey dy bee eiraght ayd ’sy cheer: tra ta ny mee-chrauee cherraghtyn, nee oo shen y akin.

Psalmyn 45:5

Aïgh mie dy row lhiat lesh dty ooashley: markee er dty hoshiaght, er coontey yn goo dy firrinys, dy veenid, as dy chairys; as nee dty laue yesh reddyn atchimagh y ynsaghey dhyt.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

Briwnyn 4:21

Eisht ghow Jael ben Heber unnane jeh kibbinyn y chabbane, as hammar ny laue, as hayrn ee dy aashagh er-gerrey da, as woaill ee yn kibbin trooid e chione, as ren ee shickyr jeh ’sy thalloo; (son v’eh ny hrome chadley, as skee:) myr shen hooar eh baase.

Briwnyn 5:26

Hug ee e laue gys y treiney, as e laue yesh gys hammar yn obbree; as lesh yn hammar woaill ee Sisera, woaill ee trooid e chione eh, tra v’ee er hoylley as er woalley trooid baaishyn e ching.

Briwnyn 5:31

Shen myr lhig da ooilley dty noidyn cherraghtyn, O Hiarn: agh lhig dauesyn ta graihagh ersyn ve myr y ghrian tra te goll magh ayns e niart. As va’n cheer ec shee son da-eed bleïn.