2 Samuel 17:9 - Yn Vible Casherick 1775 1819

⁹ Cur-my-ner, t’eh nish keillit ayns ooig ny ayns boayl follit elley: as hig eh gy-kione, tra huittys paart jeh ny deiney ayd’s ayns toshiaght y chaggey, dy jir adsyn chlinnys jeh, Ta cragh mastey’n pobble, ta geiyrt er Absalom.

2 Samuel 17:9 ပူးပေါင်းရင်းမြစ်များ

2 Samuel 17:10

As eshyn myrgeddin ta dunnal, as e chree myr cree lion, nee eh lheïe cheu-sthie jeh: son ta fys ec ooilley Israel, dy vel dt’ayr ny ghooinney niartal, as dy vel adsyn ta mârish deiney dunnal ayns caggey.

2 Samuel 17:8

Son, (dooyrt Hushai,) shione dhyt dt’ayr as e gheiney, dy vel ad deiney niartal, as t’ad brasnit ayns nyn aignaghyn, myr muc-awin ta e quallianyn goit vo-ee ’sy vagher: as ta dt’ayr ny ghooinney caggee, nagh gow aaght marish y pobble.

Jeremiah 41:9

Nish yn ooig, ayn hilg Ishmael ooilley kirp marroo ny deiney, v’eh er varroo marish Gedaliah, va’n ooig cheddin ren Asa yn ree ayns aggle roish Baasha ree Israel: as ren Ishmael mac Nethaniah shen y lhieeney lesh ny merriu.

Joshua 7:5

As ren deiney Ai mysh shey deiney jeig as feed jeu y varroo: son deiyr ad orroo veih’n yiat dy jarroo gys Shebarim, as varr ad jeu myr v’ad goll sheese: shen-y-fa ren creeaghyn y pobble lheïe ersooyl, as v’ad lhag myr ushtey.

Joshua 8:6

(Son hig ad magh geiyrt orrin,) derrey ta shin er hayrn ad voish yn ard-valley: son jir adsyn, T’ad coyrt cooyl rooin, myr ren ad roïe: shen-y-fa, nee mayd chea kiongoyrt roo.

1 Samuel 22:1

Jimmee David er-y-fa shen roish veih shen, as chossyn eh gys yn ooig Adullam: as tra cheayll e vraaraghyn, as lught-thie e ayrey shoh, hie ad sheese huggey.

1 Samuel 23:22

Immee-jee, ta mee guee erriu, brie-jee ny-sodjey, as fow-jee magh yn oayll echey, ny quoi t’er vakin eh ayn: son ta mee toiggal dy vel e ghellal feer chroutagh.

1 Samuel 24:3

As myr v’eh goll, haink eh gys bwoailtchyn ny geyrragh, raad va ooig; as hie Saul stiagh dy ghoaill snap dy chadley: as va David as e gheiney cheu-sthie ec kione sodjey stiagh yn ooig.