2 Samuel 17:8 - Yn Vible Casherick 1775 1819

⁸ Son, (dooyrt Hushai,) shione dhyt dt’ayr as e gheiney, dy vel ad deiney niartal, as t’ad brasnit ayns nyn aignaghyn, myr muc-awin ta e quallianyn goit vo-ee ’sy vagher: as ta dt’ayr ny ghooinney caggee, nagh gow aaght marish y pobble.

2 Samuel 17:8 ပူးပေါင်းရင်းမြစ်များ

2 Samuel 15:18

As hie ooilley e harvaantyn er dagh cheu jeh; as hie ooilley ny Cherethiteyn, as ooilley ny Pelethiteyn, as ooilley ny Gittiteyn shey cheead dooinney deiyr er veih Gath, er nyn doshiaght roish y ree.

2 Samuel 17:9

Cur-my-ner, t’eh nish keillit ayns ooig ny ayns boayl follit elley: as hig eh gy-kione, tra huittys paart jeh ny deiney ayd’s ayns toshiaght y chaggey, dy jir adsyn chlinnys jeh, Ta cragh mastey’n pobble, ta geiyrt er Absalom.

2 Samuel 23:16

As vrish ny three deiney niartal trooid sheshaght ny Philistinee, as hayrn ad ushtey ass chibbyr Veth-lehem, va liorish y yiat, as ghow ad, as hug ad lhieu eh gys David: ny-yeih cha jinnagh eh giu jeh, agh gheayrt eh magh eh fenish y Chiarn.

2 Samuel 23:18

As va Abishai, braar Yoab, mac Zeruiah, yn ard-er mastey three; as hrog eh seose e shleiy noi three cheead, as varr eh ad, as va goo echey mastey’n three shoh.

2 Reeaghyn 2:24

As hyndaa eh mygeayrt, as yeeagh eh orroo, as ghwee eh daue ayns ennym y Chiarn. As haink daa vuc-awin woirryn ass y cheyll, ren raipey jees as da-eed jeu.

Raaghyn Creeney 17:12

Lhig da muc-awin t’er choayl e quallianyn ve quaaltagh dooinney, roish ommydan ayns farg.

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Ezekiel 19:2

As abbyr, Cre ta dty voir? Lion bwoirryn: lhie ee sheese mastey lionyn, hrog ee seose ny quallianyn eck mastey lionyn aegey.

Daniel 7:5

As cur-my-ner beisht elley, yn nah er, goll-rish muc-awin, as hrog eh eh-hene seose er y derrey heu, lesh three asnaghyn ny veeal, eddyr e eeacklyn: as dooyrt ad myr shoh rish, Trog ort, ee dty haie feill.

Hosea 13:8

Ver-ym quaaltagh daue myr y vuc-awin ta er choayl e quallianyn, as raip-ym skairt y chree oc, as shen y raad myr lion nee’m stroie ad: nee yn veisht oaldey ad y raipey.

Briwnyn 18:25

As dooyrt cloan Dan rish, Ny lhig da dty choraa v’er ny chlashtyn ny mast’ ain, er-aggle dy duitt feallagh fargagh ort, as dy gaill oo dty vioys, marish bioys dty lught-thie.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 17:50

Myr shoh hooar David y varriaght er y Philistine lesh sling as lesh clagh, as woaill eh yn Philistine, as varr eh eh; agh cha row cliwe ayns laue Ghavid.

1 Samuel 23:23

Jean-jee briaght er-y-fa shen, as gow-jee baght jeh ooilley ny ynnydyn follit raad t’eh keiltyn eh-hene, as tar-jee reesht lesh fys shickyr hym’s, as hem’s mêriu: as my she shen dy vel eh erskyn hallooin, neem’s ronsaghey er e hon trooid ooilley thousaneyn Yudah.