2 Samuel 17:23 - Yn Vible Casherick 1775 1819

²³ As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

2 Samuel 17:23 ပူးပေါင်းရင်းမြစ်များ

2 Samuel 15:12

As hug Absalom fys son Ahitophel yn Gilonite, fer-coyrlee Ghavid, veih e ard-valley, eer veih Giloh, dy ve mârish ec yn oural. As va sheshaght y choyrle-follit niartal: son ren y pobble bishaghey gagh laa, as cheet stiagh gys Absalom.

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

2 Samuel 16:23

As va coyrle Ahitophel ayns ny laghyn shen, myr dy beagh eh veih beeal Yee: myr shoh va ooilley coyrle Ahitophel, chammah marish David as marish Absalom.

2 Samuel 17:22

Eisht hrog David er, as ooilley’n pobble va mârish, as chossyn ad harrish Jordan: cha row fer jeu nagh row er gheddyn harrish Jordan ec y cho-leayrtys.

1 Reeaghyn 16:18

As haink eh gy-kione, tra honnick Zimri dy row’n ard-valley er ny ghoaill, dy jagh eh stiagh ayns cooyrt plaase y ree, as losht eh thie’n ree er-e-skyn lesh aile, dy dooar eh baase,

2 Reeaghyn 20:1

Ayns ny laghyn shen va Hezekiah ching, as ayns raad y vaaish. As haink Isaiah mac Amoz huggey, as dooyrt eh rish, Myr shoh ta’n Chiarn dy ghra, Jean dty hymney; son yiow baase, cha jean oo coural.

Lioar Yob 31:3

Nagh vel toyrt-mow cour ny mee-chrauee? as kerraghey atchimagh kiarit dauesyn ta cur-rish mee-chairys?

Psalmyn 109:20

Agh dell uss rhym’s, O Hiarn my Yee, cordail rish dty Ennym: son s’millish ta dty vyghin.

Psalmyn 5:10

Ta’n scoarnagh oc oaie foshlit: t’ad brynneraght lesh nyn jengey.

Psalmyn 55:23

O tilg dty errey er y Chiarn, as nee eh dty chummal seose: as cha lhig eh da’n fer-cairagh tuittym son dy bragh.

Raaghyn Creeney 16:18

Ta moyrn goll roish toyrt-mow; as cree mooaralagh roish lhieggey.

Raaghyn Creeney 19:3

Ta ommijys dooinney dy chassey e raad: as ta e chree tallagh noi yn Chiarn.

Isaiah 38:1

Ayns ny laghyn shen va Hezekiah ching, as ayns raad y vaaish. As haink Isaiah yn phadeyr, mac Amoz, huggey, as dooyrt eh rish, Shoh myr ta’n Chiarn dy ghra, Jean dty hymney: son yiow baase, as cha jean oo coural.

Noo Mian 27:5

As hilg eh sheese ny peeshyn argid ayns y chiamble, as jimmee eh roish, as hie eh as ren eh eh-hene y chroghey.