2 Samuel 17:22 - Yn Vible Casherick 1775 1819

²² Eisht hrog David er, as ooilley’n pobble va mârish, as chossyn ad harrish Jordan: cha row fer jeu nagh row er gheddyn harrish Jordan ec y cho-leayrtys.

2 Samuel 17:22 ပူးပေါင်းရင်းမြစ်များ

2 Samuel 17:21

As haink eh gy-kione, lurg dauesyn v’er n’immeeaght, dy daink ny deiney ass y chibbyr, as hie ad, as dinsh ad da ree David, as dooyrt ad rish David, Trog ort, as immee lesh dy chooilley hiyr harrish yn awin: son ta Ahitophel er choyrt coyrle nyn ’oï eu.

2 Samuel 17:23

As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

2 Samuel 17:24

Eisht haink David gys Mahanaim. As hie Absalom harrish Jordan, as ooilley deiney Israel mârish.

Psalmyn 42:6

Cre’n-fa t’ou cha lane dy hrimshey, O m’annym: as cre’n-fa t’ou cha seaghnit cheu-sthie jee’m?

Raaghyn Creeney 27:12

Ta dooinney tastagh cronnaghey yn olk ro-laue, as keiltyn eh-hene: agh ta ny giare-cheeayllee roie gour nyn mullee, as geddyn assee.

Earrooyn 31:49

As dooyrt ad rish Moses, Ta dty harvaantyn er ghoaill coontey ny deiney-caggee, ta fo’n churrym ain, as cha vel shin er choayl dooinney.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Noo Ean 18:9

Shoh myr va’n raa shen loayr eh cooilleenit, Jeusyn hug oo dou, cha vel mee er choayl unnane.