2 Samuel 17:16 - Yn Vible Casherick 1775 1819

¹⁶ Nish er-y-fa shen, cur-jee fys ass laue, as abbyr-jee rish David, gra, Ny fuirree yn oie shoh ayns cheer-rea’n aasagh, agh cosne dy tappee harrish [Jordan]; er-aggle dy bee’n ree sluggit seose, as ooilley’n pobble ta mârish.

2 Samuel 17:16 ပူးပေါင်းရင်းမြစ်များ

2 Samuel 15:14

As dooyrt David rish ooilley e harvaantyn va mârish ec Jerusalem, Irree-jee, as lhig dooin cosney ersooyl; er-nonney cha jean mayd scapail veih Absalom: lhig dooin siyr ’yannoo dy gholl roïn, er-aggle dy jig eh orrin doaltattym, as cragh y choyrt orrin, as dy bwoaill eh yn ard-valley lesh foyr y chliwe.

2 Samuel 15:28

Jeeagh-jee, fuirr-yms ayns cheer-rea yn aasagh, derrey yioym fys veue dy choyrt shickyrys dou.

2 Samuel 15:35

As nagh vel ayd ayns shen dy ve lhiat Zadok as Abiathar ny saggyrtyn? shen-y-fa cre-erbee nee uss clashtyn veih thie’n ree, dy soilshee oo eh da Zadok as Abiathar ny saggyrtyn.

Psalmyn 35:25

Ny lhig daue gra ayns nyn greeaghyn, Shen, shen, shoh myr baillin eh: chamoo lhig daue gra, Ta shin er choyrt mow eh.

Psalmyn 55:8

Yinnin siyr dy scapail: kyndagh rish y gheay stermagh as y dorrin.

Psalmyn 56:2

Ta my noidyn gagh laa goaill ayns laue dy my lhuggey seose: son t’adsyn ymmodee ta caggey m’oï, O uss smoo syrjey.

Psalmyn 57:3

Ver eh cooney hym veih niau: as sauee eh mee veih’n scammylt echeysyn baillish mee y stroie.

1 Corinthianee 15:54

Tra vees y corp neu-ghlen shoh eisht coamrit lesh glennid, as y corp marvaanagh shoh lesh y vea dy bragh beayn, eisht vees cooilleenit yn raa shen ta scruit, Ta baase sluggit seose ayns barriaght.

2 Corinthianee 5:4

Son ta shinyn t’ayns y chabbane shoh osnaghey, fo errey: cha nee dy baillhien ve gyn coamrey, agh coamrit harrish, dy voddagh y stayd baasoil ve sluggit seose ayns bioys.

1 Samuel 20:38

As deïe Jonathan lurg y yuilley, Jean siyr, dy tappee, ny fuirree. As hrog guilley Yonathan ny sideyn, as haink eh gys e vainshtyr.