2 Samuel 17:14 - Yn Vible Casherick 1775 1819

¹⁴ As dooyrt Absalom as ooilley deiney Israel, Ta coyrle Hushai yn Archite ny share na coyrle Ahitophel. Son veih’n Chiarn ve, dy chastey coyrle chreeney Ahitophel, dy chooilleeney er Absalom yn olk va’n Chiarn er chiarail n’oï.

2 Samuel 17:14 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

2 Samuel 15:34

Agh my hyndaa-ys oo reesht gys yn ard-valley, as gra rish Absalom, Beem’s dty harvaant, O ree; myr ta mee er ve sharvaant dt’ayrey derrey nish, myr shen nish beem’s dty harvaant’s myrgeddin: eisht foddee oo, er my hon’s cleiy fo coyrle Ahitophel.

2 Samuel 16:23

As va coyrle Ahitophel ayns ny laghyn shen, myr dy beagh eh veih beeal Yee: myr shoh va ooilley coyrle Ahitophel, chammah marish David as marish Absalom.

2 Recortyssyn 10:15

Myr shen cha dug y ree geill da’n pobble: son va’n chooish veih Jee, dy voddagh y Chiarn e ghoo y chooilleeney, loayr eh liorish Ahijah yn Shilonite rish Jeroboam mac Nebat.

2 Recortyssyn 10:8

Agh cha ghow eshyn coyrle ny shenn gheiney, as ghow eh coyrle jeh ny deiney aegey, v’er ve troggit mârish, va shirveish kiongoyrt rish.

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

2 Recortyssyn 25:20

Agh cha n’eaishtagh Amaziah, son veih Jee ve, dy livrey ad gys laue nyn noidyn, er-yn-oyr dy deiyr ad er jeeghyn Edom.

Nehemiah 4:15

As haink eh gy-kione, tra cheayll nyn noidyn dy row fys ain er, as dy row Jee er choyrt lesh gys veg yn choyrle oc, dy hyndaa shin ooilley reesht gys y voalley, dagh unnane gys e obbyr.

Lioar Yob 12:17

T’eh cur shaghrynys er creenaght ny fir-choyrlee, as jannoo ny briwnyn giare-cheeayllagh.

Psalmyn 9:15

Ta ny ashoonyn er duittym sheese ayns yn ooig t’ad-hene er n’yannoo: ayns y ribbey cheddin dollee ad dy follit, ta’n chass oc hene er ny ghoaill.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Raaghyn Creeney 19:21

Ta ymmodee smooinaghtyn dowin ayns cree dooinney: ny-yeih she coyrle y Chiarn, shen nee shassoo.

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Isaiah 8:10

Cur-jee nyn goyrle dy cheilley, agh hig eh gys veg: loayr-jee yn fockle, agh cha joan eh shassoo: son ta Jee mârin.

Dobberan 3:37

Quoi eshyn ta gra, as te cheet gy-kione, tra nagh vel y Chiarn er harey eh?

Amos 9:3

As ga dy vollee ad ad-hene ayns mullagh Charmel, nee’m ronsaghey as goaill ad magh veih shen; as ga dy bee ad keillit ass my hilley ayns grunt ny marrey, shen y raad ver-ym sarey da’n ard-nieu, as nee eh ad y lhottey:

Noo Luke 16:8

As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

Deuteronomy 2:30

Agh dob Sihon ree Heshbon raad dooin dy gholl er nyn doshiaght, son ren y Chiarn dty Yee e chree creoi, as roonagh nyn ’oï, er-chee dy livrey eh gys dty laue, myr te ry-akin jiu.

Joshua 11:20

Son daag y Chiarn ad fo creoghys cree, dy chaggey noi Israel, dy voddagh eh stroie ad dy bollagh, nagh voghe ad foayr erbee, agh dy voddagh cragh cheet ny-vud oc, myr hug y Chiarn sarey da Moses.