2 Samuel 17:11 - Yn Vible Casherick 1775 1819

¹¹ Shen-y-fa my choyrle’s eh, dy bee ooilley Israel er nyn jaglym hood’s, veih Dan eer gys Beer-sheba, myr y gheinnagh ta rish oirr ny marrey ayns earroo, as dy jed oo-hene gys y chaggey ec y chione oc.

2 Samuel 17:11 ပူးပေါင်းရင်းမြစ်များ

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 21:14

As dirree Abraham seose feer voghey, as ghow er arran, as boteil dy ushtey, as hug eh ad da Hagar [coyrt ad er e geaylin] as y lhiannoo, as hug eh ee ersooyl: as jimmee ee ro-ee, as hiee er-shaghryn noon as noal ayns faasagh Beer-sheba.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

2 Samuel 12:28

Nish er-y-fa shen, tayrn cooidjagh yn chooid elley jeh’n pobble, as jean campal noi’n ard-valley, as gow eh: er-aggle dy nee mish nee’n ard-valley ’ghoaill, as dy bee eh enmyssit orrym’s.

2 Samuel 24:2

Son va’n ree er ghra rish Joab captan e heshaght-chaggee, va mârish, Immee nish trooid ooilley tribeyn Israel, veih Dan eer gys Beer-sheba, as gow-jee coontey’n pobble, dy vod fys ve aym cre ta’n earroo oc.

2 Samuel 3:10

Dy chaghlaa’n reeriaght veih thie Saul, as dy hoiaghey seose stoyl-reeoil Ghavid harrish Israel, as harrish Judah, veih Dan eer gys Beer-sheba.

1 Reeaghyn 20:10

As hug Ben-hadad fys huggey, as dooyrt eh, Myr shen dy jean ny jeeghyn rhym’s, as ny smoo neesht, my nee joan Samaria shirveish son lane duirn da ooilley’n pobble ta ec my voynyn.

1 Reeaghyn 4:20

Va Judah as Israel ymmodee, myr genniagh ny marrey ayns earroo, gee as giu, as jannoo gien mie.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Joshua 11:4

As hie ad magh, ad-hene as ooilley ny deiney caggee oc mâroo, ymmodee sleih, dy jarroo myr genniagh y traie ayns earroo, lesh cabbil as fainee ymmodee seihlt.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 3:20

As va fys ec ooilley Israel, veih Dan eer gys Beer-sheba, dy row Samuel er ny oardaghey dy ve phadeyr y Chiarn.