2 Samuel 17:10 - Yn Vible Casherick 1775 1819

¹⁰ As eshyn myrgeddin ta dunnal, as e chree myr cree lion, nee eh lheïe cheu-sthie jeh: son ta fys ec ooilley Israel, dy vel dt’ayr ny ghooinney niartal, as dy vel adsyn ta mârish deiney dunnal ayns caggey.

2 Samuel 17:10 ပူးပေါင်းရင်းမြစ်များ

Genesis 49:9

Ta Judah myr quallian y lion; veih’n spooilley, my vac, t’ou er n’gholl seose, chroym eh sheese, heeyn eh eh-hene myr lion; as myr shenn lion; quoi s’loys y ghoostey eh?

2 Samuel 1:23

S’ghraihoil as s’aalin yn aigney-mie va eddyr Saul as Jonathan ayns nyn mioys, as ayns baase cha row ad er nyn scarrey: v’ad ny s’bieau na urlee, v’ad ny s’troshey na lionyn.

2 Samuel 17:9

Cur-my-ner, t’eh nish keillit ayns ooig ny ayns boayl follit elley: as hig eh gy-kione, tra huittys paart jeh ny deiney ayd’s ayns toshiaght y chaggey, dy jir adsyn chlinnys jeh, Ta cragh mastey’n pobble, ta geiyrt er Absalom.

2 Samuel 23:20

As Benaiah, mac Jehoiada, mac dy ghooinney dunnal, jeh Kabzeel, va eh-hene dy mennick er phrowal e ghunnallys, varr eh daa Voabite, deiney myr lionyn: hie eh sheese myrgeddin, as varr eh lion ayns ooig, ayns earish sniaghtee.

Psalmyn 89:19

Son ta’n Chiarn nyn vendeilagh: ta’n Er Casherick dy Israel nyn Ree.

Exodus 15:15

Shen y traa vees atchim er dukeyn Edom; er deiney niartal Voab gowee creau atchimagh greme; hed nyn dappey veih ooilley cummaltee Chanaan.

Raaghyn Creeney 28:1

Ta ny kyndee chea, tra nagh vel fer erbee er nyn eiyrt’s: agh ta’n ynrick creeoil myr lion.

Arrane Solomon 3:7

Cur-my-ner e lhiabbee, ta shen lhiabbee Solomon, ta three-feed dooinney dunnal mygeayrt-y-mysh, jeh treanee Israel.

Isaiah 13:7

Shen-y-fa bee dy chooilley laue faiynt, as nee cree dy chooilley ghooinney lheïe ersooyl:

Isaiah 19:1

Errey Egypt. Cur-my-ner, ta’n Chiarn markiagh er bodjal bieau, as hig eh gys Egypt; as bee jallooyn Egypt tilgit bun-ry-skyn ec yn enish echey, as cree Egypt nee lheïe ersooyl cheu-sthie jeh.

Ezekiel 21:15

Ta mee er hoiaghey baare y chliwe noi ooilley nyn yiattyn, dy chur er nyn gree ve faiynt, as nyn dhieyn ayns ymmodee tholtanyn: aless, te er ny yannoo sollys, te shleeuit cour stroie.

Deuteronomy 1:28

Cre’n-fa hem mayd seose? ta nyn mraaraghyn er choyrt shin ass cree, gra, Ta’n sleih ny s’troshey, as ny s’thollee na shinyn; ta ny ard-valjyn oc mooar as voallit seose gys niau, as ta shin, marish shoh, er vakin ayn mec Anak.

Hebrewnee 11:34

Ren niart yn aile y vooghey, scape ad foyr y chliwe, ayns annooinid v’ad er nyn niartaghey, daase ad dunnal ayns caggey, hug er sheshaghtyn-caggee ny joarreeyn dy roie er-chea.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 18:17

As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.