2 Samuel 16:9 - Yn Vible Casherick 1775 1819

⁹ Eisht dooyrt Abishai mac Zeruiah rish y ree, Cre’n-fa ghoghe yn moddey custey shoh er dy ghweeaghyn da my hiarn y ree? lhig dou goll noon, ta mee guee ort, as giarey’n kione jeh.

2 Samuel 16:9 ပူးပေါင်းရင်းမြစ်များ

2 Samuel 19:21

Agh dreggyr Abishai mac Zeruiah, as dooyrt eh, Nagh bee Shimei er ny choyrt gy-baase son shoh, dy ren eh gwee mollaght er ree ooilit y Chiarn?

2 Samuel 19:22

As dooyrt David, Cre t’enish dy yannoo rhym’s ’sy chooish shoh, shiuish vec Zeruiah, dy ve wheesh m’oï er y laa shoh? Bee dooinney erbee er ny choyrt gy-baase er y laa jiu ayns Israel? son nagh vel fys aym dy vel mee nish my ree harrish Israel?

2 Samuel 3:30

Myr shen ren Joab as Abishai e vraar stroie Abner, er-yn-oyr dy row eshyn er varroo nyn mraar Asahel ayns y chaggey ec Gibeon.

2 Samuel 3:8

Eisht va Abner feer fargagh ec goan Ish-bosheth, as dooyrt eh, Vel oo dy my hoiaghey myr moddey noi Judah, mish ta er hoilshaghey kenjallys da thie Saul dt’ayr, da e vraaraghyn, as da e chaarjyn, gys y laa shoh, as cha vel mee er dty livrey seose gys laue Ghavid, dy vel oo nish cur foill my lieh mychione y ven shoh?

2 Samuel 9:8

As chroym eh eh-hene, as dooyrt eh, Cre ta dty harvaant, dy jinnagh oo jeeaghyn orrym’s nagh vel veg share na moddey marroo?

Exodus 22:28

Cha jean oo goltooaney ny briwnyn, ny guee mollaght da reiltagh dty phobble.

Noo Luke 9:54

As tra honnick e ostyllyn Jamys as Ean shoh, dooyrt ad, Hiarn, nailt shin dy harey aile orroo veih niau, dy stroie ad, eer myr ren Elias?

Jannoo 23:5

Eisht dooyrt Paul, Cha smooinee mee, vraaraghyn, dy nee yn ard-saggyrt v’eh: son te scruit, Cha loayr oo dy olk jeh fer-reill dty phobble.

1 Peddyr 2:17

Cur-jee onnor da dy chooilley ghooinney. Bee-jee graihagh er ny braaraghyn [Creestee]. Gow-jee aggle roish Jee. Cur-jee onnor da’n ree.

1 Samuel 24:14

Quoi ny lurg ta ree Israel er jeet magh? quoi eh t’ou geiyrt er? er moddey marroo, er jargan.